سەرنووچە:

پارێزەرێن دەستەسەرکریێن بەهدینان دگەل تیما یۆنامی ل عێراقێ جڤیان

فۆتۆ: 
2021-05-12

334 جار خوێندراوەتەوە

تیما پارێزەرێن چالاکڤان و دەستەسەرکریێن بەهدینان و ڕێڤەبەرێ ئوفیسا مافێ مرۆڤی یا تیما یۆنامی ل عێراقێ ڕاگەهاند، "خانەنشینبوونا ئێک ژ دادوەران کارەکێ نە یاساییە".

ئەڤرۆ چارشەمبی، بەشدار حەسەن، سەرۆکێ تیما پارێزەرێن دەستسەرکریێن بەهدینان بۆ ئێن ئاڕ تی ڕاگەهاند، ئاخفتنا وی پارێزەری کو ل کەنالەکێ ئەسمانی ڕاگەهاندی، ئێک ژ دەستەسەرکریان گوتیە دێ وژدانا خۆ ئارام کەم و دێ دانپێدانێ ب هەمی تشتا کەم، رەتدکەین.

هەڤدەم ئاماژە ب وێیەکێ ژیکر، بەحس ل جڤینا وان چالاکڤانان هاتیە کرن دگەل کونسۆلخانەیان و بەحس ل وێیەکێ ژیکریە کو کونسلێ ئەلمانیا دگەل وان چالاکڤانان چوویە گوندێ دۆرێ ل دەڤەرا بارزان.

تیما پارێزەرێن چالاکڤانێن و دەستەسەرکریێن بەهدینان لسەر داخازیا نوئێل کاتوتوا، ڕێڤەبەرێ ئوفیسا مافێ مرۆڤی یا یۆنامی ل عێراقێ، ئەڤ جڤینە ئەنجامدایە و ڤیایە ل دویف ڤێ کەیسێ بچن.

تیما پارێزەرێن چالاکڤانێن و دەستەسەرکریێن بەهدینان دگەل ڕێڤەبەرێ ئوفیسا مافێ مرۆڤی یا یۆنامی ل عێراقێ جڤیان و ڕاگەهاند، "خانەنشینبوونا ئێک ژ دادوەران کارەکێ نە یاساییە".

ئەڤەژی د دەمەکی دایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.