سەرنووچە:

ڤیدیۆ.. دیمەنێ کوشتنا گەنجێ کەرکوکێ ژ ئالیێ برایێ وی ڤە بەلاڤبوو

فۆتۆ: 
2021-05-12

1721 جار خوێندراوەتەوە

پشتی شەڤا دەربازبووی، ژێدەرەکی ژ پۆلیسێن کەرکوکێ بۆ ئێن ئاڕ تی ڕاگەهاند، ل تاخێ حوریە "رزگاری" کەرکوک، گەنجەک دناڤ کافیتریایەکێ دا ژ ئالیێ برایێ ویڤە هاتە کوشتن، ئەڤرۆ دیمەنێن کوشتنا وی گەنجی ژ ئالیێ برایێ ویڤە بەلاڤبوویە.

د ڤیدیۆیێ دا دەردکەڤیت، ئەو گەنجێ هاتیە کوشتن مژویلی یاری کرنێیە، لی برایێ وی ب چەکڤە دچیتە دناڤ کافتریایێ دا و ب چەند فیشەکان دکوژیت.

دەربارەی بوویەری ژی، سۆران محەمەد نووچەگەهانێ ئێن ئاڕ تی ڕاگەهاند، یوویەر دناڤ کافتریایەکێ دا بوو و برایێ وی چویە ژوور و ب فیشەکێ کوشتیە، دبێژیت ژی، دەستپێکێ ژدەرڤە دوو فیشەک تەقاندینە وەک ئاماژەیەک بۆ وان کەسێن دناف کافتریایێ دا چۆل بکەن.

ئەوژی دیارکر، کو لگورەی ئاخفتنا پۆلیسان بوویەر بسەدەمێ ئاریشەیەکا جڤاکی بوو و ڤەکۆلین د بەردەوامن.

دەربارەی وێیەکێ خۆدانێ کافتریایێ بۆ ئێن ئاڕ تی دیارکر، ئەو کەسە بۆ دەمێ ١٠ رۆژایە سەرەدانا وێ کافتریایێ دکەت و نزانیت کا کەسەکێ چەوابوو، دبیژیت، مە نەدیت دەما تەقە ل برایێ خۆ کری و کوشتی، چونکە ئەم هەمی دەرێخستینە ژدەرڤە.