سەرنووچە:

فەرماندەیەکێ پێشمەرگەی: ئەو چەکێ لبەر دەستێ داعشێ لبەر دەستێ لەشکەرێ عێراقێ نینە

شەهید موحسین فەرماندێ سەنگەریبوو
فۆتۆ: 
2021-05-12

338 جار خوێندراوەتەوە

فەرماندەیەکێ پێشمەرگەی ل میحوەرێ قەرتەپە دبێژیت، "شەهید موحسین، ئەوبخۆ فەرماندێ سەنگەری بوو و ب بی کەی سیێ تەقەکریە و دەستپێکێ برینداربوویە و ژ کفری ئامبولانس بۆ مە هاتیە و ل کەلار ژیانا خۆ ژ دەستدا".

ئەڤرۆ چارشەمبێ، مەحمەد رۆستەم، جێگرێ میحوەرێ قەرەتەپە و فەرماندێ پێشمەرگەی، بۆ ئێن ئاڕ تی ڕاگەهاند، "بەرسینگێ مە چۆلە و چەکدارێن داعش هێزەکا بەرزەبوون، ڤان دەڤەران جوگرافیا و دیموگرافیایەکا تایبەت هەیە و جهێ خوڤەشارتنێ هەیە و چەندین جاران ژ ئالیێ هێزێن ٧٠ێڤە هاتینە دەستەسەرکرن".

فەرماندێ پێشمەرگەی گوتژی، "دەمژمێر ٩:٥٠ شەڕی دەستپێکر و چەکدارێن داعش ژ سێ ئالیان تەقە ل سەرنگەرێ پێشمەرگەی کر و ژ ئالیەکی کاریگەری هەبوویە".

ڕاگەهاند ژی، "شەهید موحسین (ئەو پێشمەرگەیێ شەهیدبووی)، ئەوبخۆ فەرماندێ سەنگەری بوو و ب بیکەی سی تەقە گریە ل دەستپێکێ برینداربوویە پشترا ژ کفری ئەمبولانس بۆ مە هاتیە و ئاسایشا کفری ژی هەڤکارێن مەبوون و بریندار گەهانیدیە کەلار و ل کەلار ژیانا خۆ ژ دەستدا".

هەروەسا دەربارەی چەکی ژی دبێژیت، "جوداهیەکا زێدە هەیە دناڤبەرا چەکێن چەکدارێن داعش و هێزێن پێشمەرگەی دا و ئەو چەکێن لبەر دەستێن داعشێ، لبەر دەستێن لەشکەرێ عێراقێ ژی نینن".