سەرنووچە:

وەزارەتا پێشمەرگە: داعش خۆ رێخستیە

فۆتۆ: 
2021-05-12

224 جار خوێندراوەتەوە

وەزرەتا پێشمەرگە دەربارەی هێرشا شەڤا دەربازبووی گروپێ چەکداریی داعش بۆ سەر هێزێن پێشمەرگەیێ کوردستانێ سوپایێ عێراقێ راگەهاندن چەکدارێن داعش شیان خۆ رێکبێخن و د نهادا ب ئاوایێ گروپ و مەفرەزەیا جۆراوجۆر دەرکەفتینە.

ئەڤرۆ چارشەمبی، وەزارەتا پێشمەرگە یا حکومەتا هەرێمێ د ڕاگەهاندنەکێدا دەربارەی هێرشا شەڤا دەربازبووی گروپێ چەکداریێ داعش بۆ سەر هێزێن پێشمەرگەیێ کوردستانێ و ئارتێشا عێراقی بەحس ژ وێ یەکێ کر، چەندین جارا مە هوشداری دا بوو، ژ ئەنجامێ هەبوونا بۆشایی یا ئیمناهیێ دناڤبەرا سەنگەرێن هێزا پێشمەرگەیێ کوردستانێ و ئارتێشا عێراقێ.

ئاماژە ب وێ یەکێ ژی کریە، بۆ رێگریکرن ژ دووبارەبوونا بویەرا بڤی ئاوای، پیتڤیە ل هەڤهاتنەکا گشتگیر و هەمەلایەن، دناڤبەرا هێزا پێشمەرگە و ئارتێشا عێراقێ دا بجهـ بهێت.

شەڤا دەربازبووی، گروپێ چەکداریێ داعش هێرشکرە سەر هێزێن پێشمەرگە ل هەردوو گوندێن بەلەگە و هومەربەل ل نێزیک باژێرکێ نەیجول و ژ سەدەما وێ یەکێ دوو پێشمەرگە برینداربوون، کو پشتی دەمەکێ ژ بویەرێ یێک ژ وان ژیانا خۆ ژدەستدا.

ژ ئالیەکێ دی ژی، شەڤا دەربازبووی رێفەبەرێ ئاسایشا باژێرکێ کۆکس ل گەرمیان بۆ ئێن ئاڕ تی ڕاگەهاند، ژمارەیەکا چەکداران لسەر پرا حەلوان ل باکورێ باژێرکێ جەلەولا، هێرشکرە سەر ئارتێشا عێراق و ژ سەدەما وێ یەکێ دوو سەرباز بریندارن.

شەڤا ئیکا ڤێ مەهێ ژین چەکدارێن داعش ل سنورێ پردێ و ل نێزیک گوندێ قایەباشی، هێرشکرە سەر دوو سەنگەرێن سەربازی یێن پێشمەرگە و بەرهنگاربوونا دناڤبەرا هێزین پێشمەرگە و بەرهنگاربوون دناڤبەرا هێزێن پێشمەرگە و چەکدارێن داعشدا درست بوو، کو تێدا شەهید و بریندار ل رێزێن قێشمەرگەدا کەفتن.

ئەو ژی ل دەمەکیدایە، ل بەشەکێ ل ناڤچەیێن عێراقێدا ژ سەدەما نەبوونا هەڤبەندی د ناڤبەرا هێزێن ئێمناهیێ و هەبوونا فرە هێزا د ناڤچەیێ دا، بوویە سەدەما وێ چەکدار و بتایبەتی چەکدارێن داعش چالاکی و لڤینان زێدە بکەن و وێ بۆشایێ بکاربینن و هێرشێ بکەنە سەر گوند و باژێرکێن سنوری، کو د هێرشێ دا، بەدەر ژ هێزێن ئێمناهیێ، وەلاتی ژی بەرهنگاری رەڤاندن و کوشتن و برینداربوونێ دبن.

هـ.ر