سەرنووچە:

سەرۆکێ هەرێمێ دەربارەی شەرێ دناڤبەرا فەلەستین و ئیسرائیل پەیامەک بەلاڤکر

فۆتۆ: 
2021-05-12

762 جار خوێندراوەتەوە

سەرۆکێ هەرێما کوردستانێ ڕاگەهاند، دلگرانی شەر و ئالوزیێن چەند رۆژێن دەربازبووینە یێن دناڤبەرا ئیسرائسل و فەلەستینێ و داخازا ڕاگرتنا توندوتیژیا دکەت.

ئەڤرۆ چارشەمبی، نێچیرڤان بارزانی سەرۆکێ هەرێما کوردستانێ ل تویتەرێ خۆ، دەربارەی ئالوزیێن ڤێ داویێ یێن دناڤبەرا ئیسرائیل و فەلەستینیا د پەیامەکێدا بەحس ژ وێ یەکێ کر، "دلگرانین ژ وان تووندوتیژیان دلگرانین کو بوینە سەدەما ژیان ژدەستدانا خەلکێ مەدەنی".

سەرۆکێ هەرێما کوردستانێ ئاماژە ب وێ یەکێ ژی کر، ژ سەدەما توندوتیژیان، خەلکێ مەدەنی و زارۆک بووینە قوربانی و جهێن پیرۆز کرینە ئارمانج، دبێژیت ژی، "پێتڤیە چارەسەریەکا ئاشتیانە بۆ وان ئالوزیێن نها ببینن".

ل گورەی ئامارێن فەرمیێن هەر یێک ژ ئیسرائیل و فەلەستین، تا نها ٣٦ فەلەستینی و پێنج ئیسرائیلی ژ ئەنجامێ ئالوزیێن دناڤبەرا فەلەستین و ئیسرائیلێ دا ژیانا خۆ ژدەستدایە و نێزیکی ٧٠٠ کەس ژی بریندارن، سپێدەهیا ئەڤرۆ ژی ئیسرائیلێ تانک و زرێپۆش بەرەڤ فەلەستینێ لڤاند.

هـ.ر