سەرنووچە:

ل تەڤایا هەرێمی هشکەسالی هاتە ڕاگەهاندن

فۆتۆ: 
2021-05-11

98 جار خوێندراوەتەوە

ڕێڤەبەرێ ئاڤ و ئاڤدێریێ ل هەرێما کوردستانێ ڕاگەهاند، لگورەی راپورتا سالانە یا بارانبارینێ ئەڤ سالە ٥٠% کێمتر بوو ب هەڤبەرکرن ب سالێن دەربازبووی و هشکەسالیێ هەرێم ڤەگرتیە.

ئاری ئەحمەد ڕێڤەبەرێ ئاڤ و ئاڤدێریێ ل هەرێما کوردستانێ بۆ ئێن ئاڕ تی ڕاگەهاند، بەریا نها هشکەسالی ل چەند دەڤەرێن هەرێمێ ڕاگەهاندبوو، لێ نها هشکەسالیێ تەڤایا هەرێمێ ڤەگرتیە و هاتیە ڕاگەهاندن.

ئاماژە ب وێیەکێ ژیکریە، کێمیا باران بارینی باندوری ل ئاڤا سەر ئەرد و بن ئەرد کریە، ئەوژی دیارکر، چەند رێکاران دێ بکار ئینن بۆ بەرهنگاربوونا هشکەسالیێ ژ وانژی دابینکرنا ئاڤا ڤەخارنێ بۆ وەلاتیان.

بەحسا وێیەکێ ژیکر، دێ دوو ملیار و ٥٠٠ ملیۆن دینارێن عێراقی لبەر دەستێ وەزارەتا باژێرڤانیێ بن بۆ چارەسەرکرنا هەر پێشهاتەکێ بسەدەمێ هشکەسالیێ.

ئەشکەراژیکر، تۆڕێن پارڤەکرنا ئاڤێ دێ هێنە رێکئێخستن بۆ دابینکرنا ئاڤا پێتڤی بۆ وەلاتیان.

ڕاگەهاندژی، ئاڤا بن ئەردی ب رێژەیا ٥٠% کێمبوویە و بسەدەمێ هشکەسالیێ ل چەند جهان دێ بیرێن ئاڤێ هشک بن.