سەرنووچە:

ئازادی و مافێ مروڤی یا ناڤدەولەتی داخازا پێنەدانا ڤیزا ب دادوەرێن دادگەها پێداچوونا هەرێمێ دکەت

فۆتۆ: 
2021-05-11

352 جار خوێندراوەتەوە

رێکخراوا ئازادی و مافێ مروڤی یا ناڤدەولەتی ل هەرێما کوردستانێ_عێراق داخازا پێنەدانا ڤیزا ب دادوەرێن دادگەها پێداچوونا هەرێمێ دکەت و دبێژیت ژی، "ژ سەدەما ئازادنەکرنا گرتیێن بەهدیناندا داخازا یاسایی دێ ل دادگەها ناڤدەولەتی تۆمارکەین."

ریکخراوا ئازادی و مافێ مروڤی یا ناڤدەولەتی ل هەرێما کوردستانێ-عێراق ڕاگەهاندنەک بەلاڤکریە و ئاماژە ب وێ یەکێ دایە، " ب هویربینی چاڤدێریا دادگەهکرنا وان پێنج رۆژنامەڤانان کریە و دەربارەی دادگەهکرنا وان پێنج رۆژنامەڤان و چالاکڤانێن مەدەنی مە چەندین تێبینی داینە حکومەتا هەرێما کوردستانێ و مە زەلال کریە کو دادگەهکرنا وان دادپەروەرانە نەبوو."

د ڕاگەهاندناندا ئەو یەک ژی بەرچاڤکریە، "ل دەما وەرگرتنا گوتنا راگرتیاندا پارێزەر نەبوون و ب ئاوایەکێ نەشیاو مامەلە دگەلدا کریە ب زۆری ئیمزا پێدایە کرن، کو ل گورەی یاسایێ تومەتبار دبیت ل جهێ ئەنجامدانا کاری بهێنە دادگەهکرن، لێ ئەو هاتنە ڤەگوهاستن بۆ دادگەها هەولێر و ئەڤە ژی ب مەبەستا سزادانا وان و ل دەما دادگەهکرنێ دا گرتی نە شیان تەعنێ بدەن و بەحس ژ وێ یەکێ ژی کریە کو لژێر ئەشکەنجێ دا دانپێدان پیدایەکرن، ژبلی کو جهێ زیندانکرنا وان یێ گونجای نەبوو، هەر ژبەر هندێ مانگرتن ڕاگەهاند."

ئەو رێکخراو داخازا ئازادکرن و قەرەبووکرنا دەما راگرتنا ب 'نەیاسایی'  دکەت ل حکومەتا هەرێما کوردستانێ، ئەو ژی یا هاتی، داخازا ڤەکولینا بلەز دکەن ل "دادگەهکرنا وان، ڤەگوهاستنا وان بۆ باژێرەکێ دی، هێلانا وان ل جهێ نەگونجاو و ئەشکەنجەدانا وان ل دەما ڤەکولینێ دا."

هـ.ڕ