سەرنووچە:

وەزارەتا ئەوقافێ: ئەڤرۆ لیژنا بینینا هەیڤێ دێ جڤن

فۆتۆ: 
2021-05-11

93 جار خوێندراوەتەوە

وەزارەتا ئەوقاف و کاروبارێن ئاینی یا هەرێما کوردستانێ ڕاگەهاند، ب مەبەستا دیارکرنا یێکەمین رۆژا جەژنا رەمەزانا پیرۆز ئیڤاریا ئەڤرۆ لیژنا بلندا بینینا هەیڤێ دێ جڤیت. دبێژیت ژی، "چ کەس و ئالیەک بۆ نینە داخویانیێ دڤی بیاڤیدا بدەت".

ئەڤرۆ سێشەمبی، وەزارەتا ئەوقاف و کاروبارێن ئاینی یا هەرێما کوردستانێ ڕاگەهاندنەک بەلافکر و تێدا هاتیە، ب مەبەستا دیارکرنا یێکەمین رۆژا جەژنا رەمەزانا پیرۆز، ئێڤاریا ئەڤرۆ سێشەمبی ١١ێ گۆلانێ لیژنا بلندا بینینا هەیڤێ ب هەڤبەندی دگەل لیژنێن لاوەکی ل گشت پارێزگەهێن هەرێما کوردستانێ دێ جڤن.

ڕاگەهاند ژی: "لیژنە چاڤدێریا بینینا هەیڤێ دکەن و ل گورەی بەلگەیێن زانستی و شەرعی بریار لسەر دیارکرنا یێکەم رۆژا جەژنا رەمەزانێ ددەن.

دبێژیت ژی، "پشتی ڕاگەهاندنا بریارا فەرمیا لیژنا بینینا هەیڤێ چ کەس و ئالیەکێ بۆ نینە داخویانیێ دڤی بیاڤیدا بدەت".

ئەڤە ددەمەکیدایە، فەلەکناسەکێ سعودی ئەڤرۆ ڕاگەهاند، رۆژا چارشەمبی تەمامکاریا مەها رەمەزانێ یە و ١٣ی مەهێ کو دبیتە رۆژا پینجشەمبی یێکەم رۆژا جەژنا رەمەزانێ یە.

هـ.ر