سەرنووچە:

نەتەوەیێن هەڤگرتی: داعش چەکێ کیمیایێ لسەر ئێزدیان تاقیکربوو

فۆتۆ: 
2021-05-11

103 جار خوێندراوەتەوە

دەربارەی تاوانێن لسەر ئێزدیان ژئالیێ داعشێ ڤە، تیما ڤه‌كۆلینێن نه‌ته‌وه‌یێن هەڤگرتی راپۆرتا خۆ یا شه‌شێ پێشكێشی جڤاتا ئاساییشا ناڤده‌وله‌تی كر و ڕاگه‌هاند، ئەم پشتراستین کو لدیڤ دیڤچوونێن مە، بەلگە د زەلالن و باوەرپێکرینە کو ئێزدى هاتینە کومکوژیکرن کیمیا لدژى وان هاتیە بکارئینان.

سەرۆکێ دەستەیا نەتەوەیێن هەڤگرتی یا تایبەت ب ڤەکۆلینان لسەر تاوانێن داعشێ ل عێراقێ و سوریا ڕاگەهاند ژی، کو ئەو پشتەڤانیا یاسایی و دامەزراندنا داگەها تاوانان لسەر تاوانێن ناڤدەلوەتی یا داعشێ دکەین .

كه‌ریم خان، سه‌رۆكێ ده‌سته‌یا نه‌ته‌وه‌یێن هەڤگرتی دیارکر، کو رۆژا ٥ی مەها ٥ خاندنا ئێكێ بۆ پرۆژه‌ یاسا دادگه‌ها تاوانان یا تایبه‌تمه‌ند ب تاوانێن داعشێ ل په‌رله‌مانێ كوردستانێ هاتبووكرن و ئەم کۆمکوژیا ئێزدیان ژ ئالیێ داعشێ ڤە پشتراست دکەین و دبێژیت، دەما کو داعشێ هێرشی شنگالێ کریی ئەو کەسێن هاتینە گرتن ژ ئالیێ وێ رێکخراوێ ڤە چەکێ کیمیاى لسەر هاتبوو تاقیکرن.

کەریم خان ل دۆر پێشڤه‌چوونا كارێن وان ل عێراقێ بەحسا وێیەکێ کر، پتریا پێشڤه‌چوون و چالاكیێن وان دوو ئه‌گه‌رێن سه‌ره‌كی هه‌نه‌، ژ وان نوویكرن و ره‌نگڤه‌دانا وێ هه‌ڤكارییا باشا حكومه‌تا عێراقێ و به‌رپرسێن هه‌رێما كوردستانێ یه .

ئەڤە د دەمەکی دایە، ل مەها تەباخا سالا ٢٠١٤ێ د دەما هێرشا رێکخراوا داعشێ بۆ سەر شنگالێ و دەڤەرێن دەردوورا وێ، شەش هزار و ٤١٧ کوردێن ئێزدى هاتنە ڕەڤاندن کو هەیا نها چارەنڤیسێ نێزیکی ٣ هزار ژوان دیار نینە.