سەرنووچە:

ئێکەتیا ئەوروپا ل عێراقێ دلگرانە ژ بڕیارا دادگەها پێداچوونێ لسەر سزادایێن بەهدینان

دلگرانیا خۆ دەربڕى
فۆتۆ: 
2021-05-10

333 جار خوێندراوەتەوە

شاندێ ئێکەتیا ئەوروپا ل عێراقێ ڕاگەهاندنەک بەلاڤکر و دلگرانیا خۆ دەربارەى سزایێ شەش سالێن زیندانیکرنێ بۆ پێنج چالاکڤان و رۆژنامەڤانێن بەهدینان و بڕیارا دادگەها پێداچوونێ دەربڕى.

شاندێ ئێکەتیا ئەوروپا ل عیراقێ د راگەهاندنا خۆ دا دیارکر، کو ئازادیا ڕادەربڕینێ و دادگەها دادپەروەرانە ئێکە ژ بنەمایێن سەرەکیێن جڤاکێ دیموکراسی.

هەڤدەم، د دەما چەند رۆژێن دەربازبووی دا هەر ئێک ژ کۆنسۆلخانەیێن فەڕەنسا و ئەمریکا و کەندا و ئەلمانیا و نڤیسینگەها بالیۆزخانا کەنەدا ل هەولێرێ و رێکخراوا بەڕەڤانیکرنێ ژ رۆژنامەڤانان سی پی جەی و رێکخراوا لێبورینا ناڤدەولەتی ئەمنستی ئینتەرناشنال نەرازیبوونا خۆ لسەر ڤێ کەیسێ دەربڕیبوون.

ئەڤە د دەمەکی دایە، رۆژا ٦ی ڤێ مەهێ سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.