سەرنووچە:

وەزارەتا خاندنا بلند: زانکۆیا زاخۆ ئێکە ژ زانکویێن عێراقێ

دنپێدان ب زانکۆیا زاخۆ هاتە کرن
فۆتۆ: 
2021-05-10

228 جار خوێندراوەتەوە

وه‌زاره‌تا خاندنا بلند و ڤه‌كۆلینێن زانستى یا عێراقێ بفەرمی دانپێدان ب زانكۆیا زاخۆ كر و ئێك ژ زانكۆیێن عێراقێ یێن فه‌رمى هاته‌ هژمارتن و هاته‌ دانان د ناڤ رێبه‌رێ قوتابییان و وه‌رگرتنا ناڤه‌ندی دا.

زانکویا زاخۆ د ڕاگەهاندنەکێدا بەلاڤکریە، وه‌زاره‌تا خاندنا بلند و ڤه‌كۆلینێن زانستى یا عێراقێ برەنگەکێ فه‌رمى دانپێدان ب زانكۆیا زاخۆ كریە و ئێك ژ زانكۆیێن عیراقێ یێن فه‌رمى هاته‌ هژمارتن و هاته‌ دانان د ناڤ رێبه‌رێ قوتابییان و وه‌رگرتنا ناڤه‌ندیدا.

ئاماژە ب وێیەکێ ژیکر، ل ڕۆژا ئێكشه‌مبێ ٩ ڤێ مەهی لسه‌ر فەرمانا وه‌زاره‌تا خاندنا بلند و ڤه‌كۆلینێن زانستى یا عیراقێ یا ژماره‌ (ت م٣/ت/٥١٦٤) تێدا دیاركریە كو دانپێدان ب زانكۆیا زاخۆ هاته‌ كرن و رازیبوون لسه‌ر مه‌رج و بنه‌مایێن لژنەیا دانپێدانێ کر‌ زانكۆیا زاخۆ ئێك ژ زانكۆیێن عیراقێ هاته‌ هژمارتن.

بەحسا وێیەکێ ژیکریە، ئه‌ڤ دانپێدانه‌ و دانانا زانكۆیا زاخۆ د ناڤ رێبه‌رێ قوتابییان و وه‌رگرتنا ناڤه‌ندیدا، پشتى چه‌ندین سه‌ره‌دان و دیڤچۆنان وه‌زاره‌تا خاندنا بلند و ڤه‌كۆلینێن زانستى یا عێراقێ بوو، هه‌روه‌سا هه‌مى مه‌رجێن گونجاى د زانكۆیا زاخۆدا هه‌بوون بۆ دانپێدانێ.