سەرنووچە:

ئیدارەیا ئێکەتیێ ل پارێزگەهەکێ دێ چەند خاندنگەهان فرۆشیت

فۆتۆ: 
2021-05-10

296 جار خوێندراوەتەوە

ئیدارەیا ئێکەتیێ ب رێکا سەرۆکاتیا باژێرڤانیا سلێمانیێ ب ژڤانن حەفت خاندنگەهان و دناڤ وان ژیدا چەند خاندنگەهێن بناڤۆدەنگ تێدانە، ب بێی کو ڕێڤەبەریا پەروەردێ ژ وی بابەتی هایداربیت.

لسەر بابەتێ فرۆتنا خاندنگەهان، ژێدەرەک ژ پەروەردا سلێمانیێ بۆ ئێن ئاڕ تی ڕاگەهاند، ل رۆژا ٣ی ڤێ مەهێ پەروەردێ ئەو بابەتە زانیە و ب چ رێکێن فەرمی نەهاتیە هایدارکرن.

وی ژێدەری ئەوژی دیارکر، ل گورەی یاسایێ پێتڤیە ئەو رەنگێ فرۆتنێ ب رازیبوون و هەماهەنگیا پەروەردێ بیت.

هەڤدەم، ئەو قوتابخانێن بۆ فرۆتنێ هاتینە دیارکرن بریتینە ژ، ئامادەیا سەلاحەدینێ ئەیوبی، ناڤنجی و خاندنگەها گۆیژە، خاندنگەها شێخ مەحمود، ئامادەیا بازرگانى یا ئێڤاریان، ئامادەیا شەهید جەمال تاهیر.

ئەڤە ددەمەکیدایە، ل گورەی یاسایێن بەرکارێن هەرێما کوردستانێ رێکێ نادەت ب وەزارەتا باژێرڤانیێ و رێڤەبەریێن وێ ب بێی هەماهەنگیێ دگەل وەزارەتا پەروەردێ و رێڤەبەریێن پەروەردا چ مامەلە ب مولکێن پەروەردێ بهێتە کرن، لێ د ڤی دوسیێدا چ رەنگێن یاسایێ نەهاتینە پەیرەوکرن و پشتی چەند مەهان پەروەردێ ئەو بابەتە زانیە.

ل پارێزگەها سلێمانیێ دەست ب سەر دەهان ئاڤاهیێن خاندنگەهان هاتیە گرتن و پشترا وەک مولکێ حزبێ سەرەدەری دگەل هاتیە کرن، ژ وانا مەکتەب سیاسیا ئێکەتیێ ل باژێرێ سلێمانیێ.