سەرنووچە:

ل هەرێمێ هژمارا چارەسەربوویان ب ڤایرۆسێ کۆرۆنایێ ژ توشبوویان زێدەترە

فۆتۆ: 
2021-05-10

250 جار خوێندراوەتەوە

ساخلەمیا عێراقێ ڕاگەهاند، د دەما ٢٤ دەمژمێرێن دەربازبووی دا، چار هزار و ٧٣ حالەتێن توشبوونێ و ١٨ حالەتێن ژیان ژدەستدانێ ل پارێزگەهێن باشوور و ناڤەراستا عێراقێ دا هاتینە تومارکرن، هەڤدەم، ل هەرێم کوردستانێ ژی، ٨٢٩ توشبوون و هزار و ١٤٢ حالەتێن چارەسەربوونێ و ١١ حالەتێن ژیان ژدەستدانێ هاتینە تومارکرن.

ئەڤرۆ دووشەمبی، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کر، ل تەڤایا پارێزگەهێن باشوور و ناڤەراستا عێراقێ دا، چار هزار و ٧٣ کەس تووشی ڤایرۆسێ کۆرۆنایێ بووینە و پێنج هزار و ٩٥ کەس ژ ڤایرۆسێ کۆرۆنایێ چارەسەربووینە، هەڤدەم، ١٨ کەسان بسەدەما ڤایرۆسی ژیانا خۆ ژدەستدایە.

ل گورەی ڕاگەهاندنا وەزارەتا ساخلەمیا عێراقێ، د دەما ٢٤ دەمژمێرێن دەربازبووی دا  ل هەرێما کوردستانێ ٨٢٩ کەس توشی ڤایرۆسێ کۆرۆنایێ بووینە و هزار و ١٤٢ کەس ژ ڤایرۆسێ کۆرۆنایێ چارەسەربووینە، و ١١ کەسان ل هەرێمێ بسەدەما ڤایرۆسێ کۆرۆنایێ ژیانا خۆ ژدەستدایە.

ڤایرۆسێ کۆرۆنایێ ل داویا سالا ٢٠١٩ێ ل باژێرێ وهانێ ل چینێ سەرهلدا، هەیا نیسانا سالا ٢٠٢٠ێ د تەڤایا جیهانێ دا بەلاڤبوو، هەڤدەم هەیانها ل عێراقێ ١٥ ملیۆن و ١١٧ هزار و ٦٢٧ کەس توشی ڤایرۆسێ کۆرۆنایێ بووینە، هەڤدەم ئێک ملیۆن و هزار و ٦٠٦ کەس چارەسەربووینە و ١٥ هزار و ٨٠٠ کەسان ژی بسەدەما ڤایرۆسی ژیانا خۆ ژدەستدایە.