سەرنووچە:

ئەمنستی ئینتەرناشنال: سزادایێن بەهدینان ل دادگەهەکا نەدادپەروەرانە دا هاتینە سزادان

فۆتۆ: 
2021-05-10

534 جار خوێندراوەتەوە

ئەمنستی ئینتەرناشنال بەلاڤکریە، پێتڤیە حکومەتا هەرێمێ "بلەز و بێی مەرج" سزادایێن بەهدینان ئازاد بکەت، ژبەرکو ل دادگەهەکا "نەدادپەروەرانەدا" سزا بسەر هاتیە سەپاندن.

رێکخراوا لێبورینا ناڤدەولەتی ( ئەمنستی ئینتەرناشنال) ل تویتەکێدا بەلاڤکریە، "بریارا دادگەها پێداچوونێ بۆ سزادانا شێروان شێروانی، گوهدار زێباری، هاریوان عیسا، ئەیاز ئەکرەم و شڤان سەعید، ب پشتراستیڤە رەتدکەین، زێدەباری سەرپێچیکرنا ستانداردێن دادگەهەکا دادپەروەرانە و پێتڤیە حکومەتا هەرێمێ بلەز و بێی مەرج ئازاد بکەت."

ئەمنستی ئینتەرناشنال ئاماژە ب وێ یەکێ ژی کریە، "ئەو پێنج چالاکڤان و رۆژنامەڤان ل دادگەهەکا نەدادپەروەرانەدا سزا بسەر هاتیە سەپاندن."

ئەو یەک ژی بەرچاڤکر، "ل وی دەمی کەس و کارێن وان نەشیاینە ببینن و داخازێ ژ حکومەتا هەرێمێ دکەین بلەز و بێی مەرج ئازاد بکەن."

رۆژا ٦ێ ڤێ مەهێ ژی، سەرۆکایەتیا دادگەها پێداچوونا هەرێما کوردستانێ بریارا دادگەها تاوانێن هەولێرێ ب سزایێ شەش سال زیندانیکرن بۆ پێنج رۆژنامەڤان و چالاکڤانێن بەهدینان پەسەندکر.

هـ.ر