سەرنووچە:

دادوەرەکێ بەرێ یێ دادگەها پێداچوونێ: دادگەها پێداچوونێ ب چ ئاوایەکێ سەربەخۆ نینە

فۆتۆ: 
2021-05-10

256 جار خوێندراوەتەوە

ئەندامەکێ بەرێ یێ دادگەها پێداچوونا هەرێمێ ڕاگەهاند، دادگەهـ و دادوەر سەربەخۆ نینە، بتایبەتی دادگەها پیداچوونا هەرێمێ، دبێژیت ژین "ئەگەر ئەو کەیسا چالاکڤان و رۆژنامەڤانێن بەهدینان ب وی جۆری بوو من رەوانە کربان من ب تاوان بەرچاڤنەدکر."

دادوەر عەبدولکەریم حەیدەر ئەندامێ بەرێ یێ دادگەها پێداچوونا هەرێمێ بو دەنگێ ئەمریکا ڕاگەهاندیە، "ئەگەر بیژم رەوشا دادگەهان و دادوەرا ل هەرێمێ یا باشە، راست نابێژم دادگەهـ د سەربەخۆ نینە، بتایبەتی ئەوێن کو ل دادگەها پێداچوونێ نە."

دەربارەی بریارا دادگەهێ ژی بۆ سزادایێن بەهدینان گوتی، "من حەز دکر دلێ دادگەهێ بەرفرەهتر بوو و دادوەر زێدەتر سینگ بەرفرەهـ تر بوون."

راگەهاندیە ژی "ئەگەر ئەو کەیسا چالاکڤانان و رۆژنامەفانێن بەهدینان ب وی جۆری بۆ من رەوانەکربا من ب تاوان بەرچاڤنەدکر."

دادوەر عەبدولکەریم حەیدەر ئاماژە ب وێ یەکێ ژی کریە، "رینشتن دگەل کونسۆلان زۆر ئاساییە و تاوان نینە، ئەگەر تاوان بیت بخۆ بەرپرسێن سیاسی و حزبی یێن مە دگەل دا درینن.

ئەو یەک ژی بەرچاڤکر، "لێبورینا تایبەت یا سەرۆکێ هەرێمێ دەرناکەت ئەگەر حوکمێ وێ پلەیا داویێ وەرنەگریت ژبەرکو نها ئەو حوکم نەچوویە پلەیا داویێ و سەرۆکێ هەرێمێ نەشێت ژبەرکو هێشتا داخازیا راستکرنێ ماوێ وێ یا مای، کی نابێژیت دادگەها پێداچوونێ بخۆ بریارا خۆ چێناکەت؟"

رۆژا ٦ی ڤێ مەهێ، سەرۆکایەتی یا دادگەها پێداچوونا هەرێما کوردستانێ بریارا دادگەها تاوانێن هەولێرێ ب سزایێ شەش سالا زیندانیکرن بۆ پێنج رۆژنامەڤان و چالاکڤانێن بەهدینان پەسەندکر.

هـ.ر