سەرنووچە:

کازمی: ل ڤان نێزیکان شایستێن دارایێن هەرێمێ دێ هێنە رەوانەکرن

فۆتۆ: 
2021-05-10

233 جار خوێندراوەتەوە

سەرۆکوەزیرێن عێراقێ ڕاگەهاند، ل ڤان نێزیکان شایستێن دارایێن هەرێمێ دێ هێنە رەوانەکرن، هەروەسا دبێژیت، پەیوەندیێن هەولێر و بەغدا ل سەردەمێ زێرینێ خۆدانە.

مستەفا کازمی سەرۆکوەزیرێ عێراقێ ل چاڤپێکەفتنا دگەل ژمارەیەکا میدیایێن عێراقێ دا ئەو یەک ژی بەرچاڤکر، پێتڤی ب بنیاتنانا باوەریێ یە دناڤبەرا کورد و عەرەبا بۆ چارەسەرکرنا قەیرانا ناڤچەیێن ئاریشە لسەر.

مستەفا کازمی دبێژیت ژی، نها ل قوناغا داوی یا دابەشکرنا بەشێن بودجەیا ٢٠٢١ێ دانە، دبێژیت ژی پرۆژەیێ سیاسی یێ سەرکەفتی ئەوە هەلبژارتنەکا پاک و بێگەرد برێڤەبچیت.

ئاماژە ب وێ یەکێ ژی دایە، ئاریشا ناڤچەیێن ئاریشە لسەر برێیا پێشنیارەکێ دهێنە چارەسەرکرن کو بەغدا دئێخیتە بەردەم هەولێر و ل دەما ڤێ حەفتیێ دێ شاندەک سەرەدانا هەرێما کوردستانێ دکەت بۆ چارەسەرکرنا ئاریشا وان ناڤچەیان.

دوهی ژی، فازل نەبی بریکارێ بەرێ یێ وەزارەتا دارایی یا عێراقێ ل ناڤینا رۆژا ئین ئاڕ تی دا ڕاگەهاند، "بۆ مەها پێنج بەغدا دێ پارا بۆ هەرێمێ هنێریت و پێشبینی دهێتە کرن فەرمانبەر بێی لیبرین موچەی وەربگرن.

هـ.ر