سەرنووچە:

زانیاریێن نە هاتینە گوتن لسەر پارڤەکرنا موچەی بێی لێبڕین و هاتنارتنا پارەیان ژ بەغدا

مەها پێنج پارە دێ بۆ هەرێمێ هێنە هنارتن
فۆتۆ: 
2021-05-09

1065 جار خوێندراوەتەوە

بریکارێ بەرێ یێ وەزارەتا دارایی یێ عێراقێ ڕاگەهاند، "بۆ مەها پێنج پارە دێ بۆ هەرێمێ هێنە هنارتن، دبێژیت، "پێشبینی دهێتەکرن مەها پێنج فەرمانبەر بێی لێبڕین موچەی وەرگرن".

فازل نەبی بریکارێ بەرێ یێ وەزارەتا دارایی یێ عێراقێ د ناڤینا رۆژا ئێن ئاڕ تیدا ڕاگەهاند ژی، "ئەو داهاتێ هەى ب کێمەکا چاکسازیێڤە دێ بەهرا پارڤەکرنا موچەی و پرۆژێن وەبەرهێنانێ دکەت، چونکە داهاتێ هەرێمێ هاتیە زێدەکرن".

دیارکر، بەغدا ئامادەنەبوو پێشوازیێ ل شاندێ هەرێمێ بکەت، دبێژیت، "بۆ چارەسەرکرنا ئاریشان پێتڤیە هەرێم دگەل کازمی ب جڤیت و لژنەیەکا هونەری دروستبکەن".

بەحسا وێیەکێ ژیکر، "ئەگەر نییەتا پاقژ هەبیت د ماوەیەکێ کورت دا هەرێم و بەغدا دشێن هەمی تشتان ئێک ئالی بکەن".

بریکارێ بەرێ یێ وەزارەتا دارایی یێ عێراقێ ئاماژە ب وێیەکێ ژیکر، "هەرێم و بەغدا نەشێن پابەندی لهەڤهاتنێ نەبن چونکە بوویە یاسا".

دوهی ژی، ئەحمەد سەفار بڕیاردەرێ لژنەیا دارایی یا پەرلەمانێ عێراقێ ڕاگەهاند، چ رێگری نینن بۆ هنارتنا بودجەیێ هەرێمێ ژ بەغدا، ئەوا هەی ب تنێ خەمساریا هەرێمێ و نەچوونا لژنەیا تەکنیکیە بۆ بەغدا.

ئەڤە د دەمەکی دایە، پشکا هەرێمێ د بودجەیێ عێراقێ دا، ب ١٢.٦٧% هاتیە دیارکرن، د هەمبەر دا، حکومەتا هەرێمێ ئەکردارکریە ب رادەستکرنا ٢٥٠ هزار بەرمیلێن پەتڕۆلێ ب بهایێ سۆمۆ دگەل رادەستکرنا نیڤا داهاتێ خالێن سنوری.

م.م