سەرنووچە:

نویترین لێدوانا وەزیرێ پەروەردێ لسەر پرۆسا خاندنێ

فۆتۆ: 
2021-05-09

117 جار خوێندراوەتەوە

وەزیرێ پەروەردا هەرێمێ ڕاگەهاند، مە بەرنامە هەیە بۆ ڤەگەریانا قۆتابیان بۆ ناڤ پۆلان ئەگەر رەوشا ساخلەمیێ رێکێ بدەت، دبێژیت، "بۆ سالا بهێت مە گۆتوبێژێن جدی کرینە، کو چەوا بشێین قەرەبویا خاندنا ژ دەستچووی بکەین".

ئالان حەمەسەعید وەزیرێ پەروەردا هەرێمێ د کۆنفرانسەکێ رۆژنامەڤانیدا ڕاگەهاند، ژ ١٧ی نیسانی خاندنا ئەلیکترۆنی دەستپێکریە و یونسکۆ و یونسێف هاریکار بوون د گەشەپێدانا خاندنا ئەلیکترۆنی دا، ئەوژی دیارکر، رێکخراوا یونسێف مەزاختیێن کەنالێن پەروەردێ دابینکرینە هەیا خاندن بەردەوامبیت.

ئالان حەمەسەعید دبێژیت، ئەگەر کۆرۆنا رێکێ بدەت، ڤەگەرنە ناڤ ناڤەندێن خاندنێ، خاندنا ئەڤسالە دناڤ پۆلاندا دێ ب داوی ئینن و بۆ سالا بهێت ژی گۆتوبێژێن جدی کرینە، کو چەوا بشێین قەرەبویا خاندنا ژ دەستچووی بکەین.

ئەڤە د دەمەکی دایە، وەزارەتا پەروەردێ ئامادەکاریا دکەت بۆ وێیەکێ پشتی جەژنێ دەرگەهێن قۆتابخانان بهێنە ڤەکرن بۆ وێ مەرەمێ ژی، بنچینەیێن پرۆگرامێ خاندنێ و چەوانیا دانانا نمرەیێن هەلسەنگاندنان و دەمێ ئەزمۆنان هاتیە دیارکرن.

م.م