سەرنووچە:

داخازا ئەردۆغانی ژ گەریلایێن پەکەکێ

فۆتۆ: 
2021-05-09

5703 جار خوێندراوەتەوە

پشتی خارنا فتارەکێ دگەل دایکێن ئامەدێ رەجەب تەیب ئەردۆغانی داخاز ژ گەریلایێن پەکەکێ کر کو چەکی ب دانن و قەستا ناڤ مالباتێن خۆ بکەن. دبێژیت ژی، ل رۆژا پیرۆز دلێ دایکێن خۆ نە ئێشینن و چاڤێن وان پری روندک نەکەن.

سەرۆککۆمارێ تورکیا داخاز ژ گەریلایێن پارتا کارکەرێن کوردستانێ پەکەکێ کر کو ب ھەلکەفتا مەها رەمەزانا پیرۆز و لەیلەتولقەدرێ کو دکەڤیتە ئەڤرۆ رۆژا ٩ی گولانێ چەکێ خۆ ب دانن و سۆز دان کو حکومەت دێ ھاریکار بیت ژیانەکا نوی بۆ وان دابین بکەت.
د کڤانێ جڤینەکێ دا د گەل دایکێن ئامەدێ ل دەمێ خوارنا فتارێ دا، رەجەب تەیب ئەردۆغان، سەرۆککۆمارێ تورکیا گۆتارەک پێشکێش کر، دبێژیت، "ئەو گەنجێن نھا ل ناڤا رێزێن پەکەکێ گوھـ ل مە ھەی و د شەڤەکا وەکو ئەڤرۆ دا گازی وان دکەین، ئەڤرۆ رۆژەکا پیرۆزە و دایکێن خۆ دلتەنگ نەکەن و دلێن وان نەئێشینن بزڤرنە مالێن خۆ".

ئاماژە ب وێیەکێ ژێکر، ھەرگەنجەکێ خۆ ژ وێ تەنگاڤیێ رزگار بکەت، دەولەتا تورکیا ژ روویێ یاسایی ڤە دێ وی پارێزیت و دێ پشتەڤانیێ لێکەت کو ژیانەکا نوی دروست بکەت.

ئەڤە ددەمەکیدایە، ب بەردەوامی ل سەر سنورێن دناڤبەرا کوردستان و تورکیا دا شەڕ و پێکدادان دروست دبن و کوشتی و بریندار ژ هەردوو ئالیان دکەڤن.