سەرنووچە:

ئاری هەرسین: ئاخفتنا یەکێتی لسەر دەستەسەرکریێن بەهدینان بۆ بانگەشەیا هەلبژارتنایە

فۆتۆ: 
2021-05-08

277 جار خوێندراوەتەوە

دەربارەی سزادایێن بەهدینان، ئاری هەرسین ڕاگەهاند، پێتڤی ناکەت ب ڕاگەهاندنەکا کۆنسۆلخانەیا ئەمریکا چوکێن مە بشکێن و ئەم بلەرزین"، دبێژیت ژی، "ئاخفتنا یەکێتی لسەر سزادایێن بەهدینان بۆ بانگەشەیا هەلبژارتنایە".

ئاری هەرسین ئەندامێ جڤاتا سەرکردایەتیا پارتی د بەرنامەیا تاوتوێیا ئێن ئاڕ تی دا ڕاگەهاند، "یەکێتی بخۆ د حکومەتێ دایە بۆچی ل وێرێ نائاخڤیت د ڕاگەهاندناندا دئاخڤیت؟"، دبێژیت ژی، دیارە یەکێتی گەلەک باوەری ب نوینەرێن خۆ یێن دناڤا حکومەتێ دا نینە  کو بەڕەڤانیێ ل دەستەسەرکریان بکەت".

ئاماژە ب وێیەکێ ژی کریە، "پێتڤی ناکەت ب ڕاگەهاندنەکا کۆنسۆلێ ئەمریکا چۆکێن مە بشکێن و ئەم بلەرزین"، دبێژیت ژی، "حکومەتا هەرێمێ نە خزمەتکارێ ئەمریکا یە هەمی تشتا ب گوتنا وان بکەت".

بەحسا وێیەکێ ژی کریە، "کۆنسۆلخانەیا ئەمریکا زەلالکرنێ نادەت کا بۆچی پارە دایە دەستەسەرکریان"، دبێژیت ژێ، "دەستەسەرکریان هەڤکاریێن ماددی ژ کۆنسۆلخانەیا ئەمریکا و ئەڵمانیا وەرگرتنە".

ئاری هەرسین ڕاگەهاند ژی، "نێچیرڤان بارزانی سەرۆکێ هەرێمێ ژ دەف خۆ ناهێت و لێبۆرینا گشتی بۆ دەستەسەرکریان دەربێخیت و ئەوی نەگوتیە دەستەسەرکریان ئازادبکەن یێ گوتی پێداچوونێ د بڕیارێ دا بکەن".

و.ح