سەرنووچە:

گوندەکێ دی ل سنورێ ناحیا کانی ماسێ هاتە چولکرن

١٨ مال لێ هەبوون
فۆتۆ: 
2021-05-08

996 جار خوێندراوەتەوە

پشتی گوندێ کێستە گوندێ چەلکا نەسارا ژئەنجاما ئۆپەراسیۆنا لەشکەرێ تورکیا بۆ دەڤەرا بەرواری بالا ل سنورێ ناحیا کانی ماسێ هاتە چولکرن.

ڕێڤەبەرێ ناحیا کانی ماسێ بۆ ئێن ئاڕ تی ڕاگەهاند، گوندێ چەلکا نەسارا ژی ل دەڤەرا بەرواری بالا ل تەنیشت گوندێ کێستە، ب سەدەمێ شەڕێ دناڤبەرا ئاڕتێشا تورکیا و گەریلایێن پەکەکێ دا هاتە چولکرن. دبێژیت ژی، ئاکنجیێن وی گوندی نێزیکی ١٨ مالان بوون.

سەربەست ئاکرەیی ڕێڤەبەرێ ناحیا کانی ماسێ بو ئێن ئاڕ تی دا دیارکرن، ئەڤرو گوندێ چەلکا نەسارا یێ تەنیشت گوندێ کێستە ژئەنجامێ بومبەبارانێن دژوار و ئۆپراسیۆنا لەشکەرێ تورکیا بۆ سنورێ وان گونداۆ هاتە چولکرن کو نێزیکی ۱٨ مالان لێ دژیان .

ل سنورێ ناحیا کانی ماسێ دماوێ نێزیکی ۱٥ روژا دا دوو گوند بسەدەمێ ئۆپراسیۆنا تورکیا هاتنە چولکرن یێ ئێکێ گوندێ کێستە بوو کو نێزیکی ۲٥ مال لێ هەبوینە ول دویڤدا ئەڤرو گوندێ چەلکا نەسارا ژی هاتە چولکرن .

نیهاند ئورەماری، ئامیدیێ