سەرنووچە:

کۆنسۆلخانەیا فەڕەنسا: ئازادیا رۆژنامەڤانی و خۆنێشاندانان پێگەهەکێ تایبەت لدەف مەهەیە

فۆتۆ: 
2021-05-08

290 جار خوێندراوەتەوە

دەربارەی پەسەندکرنا بڕیارا شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان باڵیۆزخانەیا فەڕەنسا ڕاگەهاند، دلگرانین لهەمبەر هەر بزاڤەکێ بۆ تۆمەتبارکرنا پەیوەندیا رۆژنامەڤانی و جڤاکا سڤیل دگەل نوینەرایەتیا دیبلۆماسی و کۆنسۆلخانەیێن دناڤا هەرێمێ دا". دبێژیت ژی، "ئازادیا رۆژنامەڤانی و ڕادەربڕینێ و خۆنیشاندان پێگەهەکێ تایبەت لدەف مە هەیە".

کۆنسۆلخانەیا فەڕەنسا ل هەرێمێ د ڕاگەهاندنەکێدا بەلاڤکریە، ب دلگرانیڤە بەرێخۆ ددەنە بڕیارا پێداچوونا دوسەیا پێنج رۆژنامەڤان و چالاکڤانێن هەرێما کوردستانێ.

بەحسا وێیەکێ ژی کریە، ئەو دوسەیا گەلێ کوردستانێ گرێددەت و ئەو هەماهەنگیا دناڤبەرا فەڕەنسا و هەرێما کوردستانێ لسەر بناغێ بهایێ هەڤبەش و پرەنسیپان هاتیە دامەزارندن، دناڤا وان داژی ئازادیا رۆژنامەڤانی و ئازادیا ڕادەربڕینێ و خۆنیشاندان پێگەهەکێ تایبەت هەنە.

کۆنسۆلخانەیا فەرەنسا ل هەرێمێ دبێژیت ژی، "دلگرانی لهەمبەر هەر وەلاتیەکێ بۆ تۆمەتبارکرنا پەیوەندیا رۆژنامەڤانی و جڤکا سڤیل دگەل نوینەرایەتیێن دیبلۆماسی و کۆنسۆلخانەیێن دناڤا هەرێمێ دا".

بەریا نها ژی هەرئێک ژ کۆنسۆلخانەیێن ئەمریکا و ئەڵمانیا ژی ل هەولێرێ دەربارەی وان پێنج سزادایان ڕاگەهاندن بەلاڤکربوون و هەر ئێک ژ وانا ژی دلگرانیا خۆ لهەمبەر سزادانا رۆژنامەڤان و چالاکڤانان نیشاندا و داخاز ل سەرۆکێ هەریمێ کرن روولێ خۆ ببینیت و بڕیارا لێبورینێ بۆ وان دەربێخیت.

و.ح