سەرنووچە:

مەکتەب سیاسی یا پارتی دەربارەی بڕیارا دادگەها پێداچوونێ پەیامەک بەلاڤکر

فۆتۆ: 
2021-05-08

392 جار خوێندراوەتەوە

مەکتەب سیاسی یا پارتی دەربارەی بڕیارا دادگەها پێداچوونا هەرێمێ سەبارەت ب پەسەندکرنا سزایێ شەش سالێن زیندانیکرنێ بۆ پێنج رۆژنامەڤان و چالاکڤانێن بەهدینان د پەیامەکێدا ڕاگەهاند، دەستتێوەردان د کاروبارێن دادگەهێ دا و سیاسی کرنا بابەتان مفای ناگەهینیتە ڤێ رەوشێ. دبێژیت، "ئەگەر بزاڤ ب ئاراستا سیاسی کرنێ بیت ئەم ژی وەک پارتی مە گەلەک بابەت هەنە بەحس بکەین".

دەقێ راگەهاندنێ:

ڕاگەهاندنەک ژ مەکتەب سیاسی یا پارتی دیموکراتی کوردستان

سەبارەت بڕیارا دادگەها پێداچوونێ ل دەربارەی کەیسا چەند کەسەکان، ب لێبوورینڤە چەند ئالیەکا کارڤەدانا دوویر بەرچاڤوەرگرتنا سەروەریا یاسایێ و رێسایێن دەستهەلاتا دادوەری نیشان دا،ب پێتڤی دزانین رێز ل دام و دەزگەهێن دادوەری و سەروەریا یاسایێ بهێتەگرتن، دەستتێوەردان د کاروبارێن دادگەهێ دا و سیاسی کرنا بابەتان مفای ناگەهینیتە ڤێ رەوشێ، و مەرج نینە ئەگەر بووچوون و لایەنگیریا ئالیەکی نەببیتە بڕیار ڕامانا راست نەبوونا بڕیاران بیت.

ئەوا روویدای یا زەلالە، پشتی ڤەکولینا یاسایی ژ ئالیێ ئالیێن یاسایی و پەیوەندیدار ب پشت بەستن ب وان بەلگەیێن بەردەستێ وان بزاڤا چەند کەسایە بۆ تێکدانا سەقامگیری و، ئاسایشا هەرێما کوردستانێ کرە ئارمانج. ژبەر هندێ باشترە ژێبگەرین دامەزراوێن یاسایی کارێ خۆ بکەن و رێزێ ژ رۆلێ وان بگرین.

ئەگەر ئەو بزاڤ ب وی ئاراستەی بن بابەت بهێنە سیاسیکرن و زێدەتر وەکی هەوا هەلبژارتن و تێکدانێ بێخنە بەرچاڤێ وەلاتیان، ئەم ژی وەک پارتی دیموکراتی کوردستان مە زور بابەت یێن هەین بەحس بکەین.

هیڤیدارین ئاراستە و لوژیکێ پاراستنا سەقامگیری و ئاسایشا هەرێما کوردستانێ ل پێشیا هەمی بزاڤێن دی بن.

مەکتەبا سیاسی

پارتی دیموکراتی کوردستان

٨ێ ٥ یا ٢٠٢١