سەرنووچە:

وەزیرێ ساخلەمیا هەرێمێ: مە کارێ زۆر ل بەرە بۆ بنبرکرنا نەخۆشیا تالاسیمیایێ

مە کارێ زۆر ل بەرە
فۆتۆ: 
2021-05-08

88 جار خوێندراوەتەوە

وەزیرێ ساخلەیا هەرێمێ ڕاگەهاند، حکومەتا هەرێمێ و وەزارەتا ساخلەمیێ کارێ زۆر ل بەرە بۆ بنبرکرن و نەهێلانا نەخۆشیا تالاسیمیایێ.

ئەڤرۆ شەمبی، سامان بەرزنجی وەزیرێ ساخلەمیا هەرێمێ ب بیرەوەریا سالرۆژا نەخۆشیا تالاسیمیایێ پەیامەک بەلاڤکر و تێدا هاتیە، "پشتراستیێ ددەین کو حکومەتا هەرێما کوردستانێ و وەزارەتا ساخلەمیێ کاری جددی و زێدەتر یێ لبەر هند بۆ بەرنامەیێ نشتیمانی بۆ بنبرکرن و نەهێلانا ڤێ نەخۆشیێ ل هەرێما کوردستانێ".

ئەو یەک ژی بەرچاڤکر، بزاڤی دکەن برێکا زێدەتر بهێزکرنا بەرنامەیێ پشکنینا بەری وەخت یا هەڤژینیێ، کو ژ سەدەما وێ رێژا توشبوویێن تالاسیمیا ل هەرێما کوردستانێ دبیت زێدەتر بهێتە کێمکرن.

دبێژیت ژی، هەروەسا بزاڤێ دکەن و کاردکەن بۆ بەرفرەهکرن و زێدەکرنا جۆر و ژمارەیا پیتڤیێن چارەسەری و نشتەگەری و خۆشگوزەرانی و تەمەن درێژی و سلامەتی دویر ژ ئێش و ئازاران بۆ هەلگرتنا ڤێ نەخۆشیێ.

بەحس ژ وێ یەکێ ژی کر، گەنج و هەمی کەس بهێنە هاندان کو بەری چوونا ناڤ پرۆسەیا هەڤژینیێ ئەنجامدانا پشکنینا فەرمی بەری دەما هەڤژینیێ ئەرکەکە و بۆ خۆشگوزەرانیا ژیانا خۆ و نەڤیێن داهاتی.

تالاسیمیا کو ب کێم خوینیێ ژی یا بناڤ و دەنگە ئێکە ژ وان نەخۆشیێن درێژخایەن کو ژ سەدەما بۆماوەییا مرۆڤی توش دبیت، پزیشکێن بسپۆر ژی ئاماژە ب وێ یەکێ دکەن چێبون نینە و بتنێ دڤێت سەرەدەریەکا ساخلەم و ب بەرنامە دگەل دا بهێتە کرن.

هـ.ر