سەرنووچە:

ل ناحیا کەلەکچی شەڕە تەقە دناڤبەرا دوو مالباتاندا روویدا کوشتی و بریندار هەنە

فۆتۆ: 
2021-05-07

1124 جار خوێندراوەتەوە

پشتی کو د شەڤا دەربازبوویدا ل  ناحیا کەلەکچی لسەر ئاریشەکا جڤاکی شەڕە تەقە دناڤبەرا دوو مالباتان دا روویدای دوو کەسان ژیانا خۆ ژدەستدا و چار کەس ژی برینداربوون.

هێمن سلێمان پەیڤدارێ پۆلیسێن پارێزگەها دهۆکێ راگەهاند، د شەڤا دەربازبوویدا ل ناحیا کەلەکچی شەرەتەقە دناڤبەرا دوو مالباتان دا روویدا کو هەردوو مالبات پسمامێت ئێکبوون، دوو کەسان ژیانا خۆ ژدەستدا کو هەڤژینێن ئێکن و چار کەسێن دی ژی برینداربوون.

ڕاگەهاند ژی، ئەو هەڤژینێن ژیانا خۆ ژدەستدایی خودانێن حەفت زارۆکانە پێنج کچ و دوو کۆرن، دبێژیت، ئاریشا ڤان دوو پسمامان یا کەڤنە لێ شەڤا دەربازبووی دیسان شەڕ دناڤبەرا وان دا روویدا.

بەحسا وێیەکێ ژی کر، پشتی دەمەکێ درێژ ژ شەڕی و تەقێ هێزێن ئەولەهیێ گەهشتنە جهێ بوویەرێ و شەڕ کونتڕۆلکریە.

ئەڤە د دەمەکیدایە، ل شەڤا ٢٤ سەر ٢٥ی د مەها دەربازبوویدا شەڕ دناڤبەرا خودان زەڤی و جوتیارێن کەمەلگەها چڕەیدا ل وێ دەڤەرێ دروستبوو، و د ئەنجامدا ژنەک هاتە کوشتن.