سەرنووچە:

دەربارەی هێرشێن تورکیا بۆ سەر باشورێ کوردستانێ حەسەن شەریف بۆ ئێن ئاڕ تی د ئاخڤیت

فۆتۆ: 
2021-05-07

958 جار خوێندراوەتەوە

پشتی شەڕ و ئاڵوزیێن دناڤبەرا ئاڕتێشا تورکیا و گەریلایێن پەکەکێ دا ل سنورێن باشورێ کوردستانێ و بتایبەتی ل دەڤەرا بەرواری بالا و چوولکرنا گوندێ کێستە ژ ئالیێ خەلکێ وێ ڤە هونەرمەند حەسەن شەریف کو خەلکێ وی گوندیە سترانەک ب ناڤێ زنارا سەربلند بەلاڤکر.

هونەرمەند حەسەن شەریف دپەیوەندیەکێ دا بۆ ئێن ئاڕ تی بەحسا وێیەکێ کر،  ئەڤ کاودانێن بسەر مللەتێ مەدا هاتین نە تشتەکێ نوویە لێ کولا ژ هەمیێ مەزنتر لڤێرێ نە ئێک بوونا کودانە ژ هەمی ئالیان ڤە، دیرۆک دیدەڤانێ گەلەک تشتایە کو کورد ئێک و دوو قەبیل ناکەن و هەر ئالیەک ل دیف بەژەوەندیێن خۆ یێن تایبەت کاردکەت.

 ئاماژە ب وێیەکێ ژی کر، ئەڤ بەشێ کوردستانێ کو بخۆینا هزاران شەهید هاتیە ئازادکرن و ئازادبووی پێتڤیە ژ هەموو ئالیانڤە ب باشی خۆدان لێ ب دەرکەڤن ژبەرکو ب سەدێ سالانە  داگیرکەرێن کوردستانێ ب هەمان تشت دەوامێ دکەن. دبێژیت ژی، ئەگەر داگیرکەرێن کوردستانێ چەند دوژمنێن ئێک و دوو بن وەختا بۆ بابەتێ کورد و کوردستانێ ئێک و دوو دگرن و برابابێن ئێک و دوونە.

بەحسا وێیەکێ ژی کر، ئەوا گرنگ دڤی دەمی دا گەلێ کورد هەڤبگرن و ثێتڤیە ب رێکێن دیبلۆماسی و کویر و ستراتیژی هەم دگەل کوردان و هەم ژی دگەل دەولەتێن زلهێز خەباتێ بکەن. دبێژیت ژی، ئەڤا نها دهێتە کرن دەستپێکا پەیمانەکا دییا ڤان داگیرکەرایە کو جارەکا دی کوردان داگیربکەن.

دەربارەی گوتنا سترانێ حەسەن شەریف دبێژیت، دەما من دیمەنێن گوندێ کێستە دیتین ئەنفال هاتن بیرا من دیفرا دێرسم و قەلعەدز و هەلەبچە بارزان و هەر جهـ هاتە بیرامن لێ داگیرکرنا نها ب کەربوکینەکا گەلەک مەزن لبەر چاڤێ هەمی کوردان دهێتە ئەنجامدان.

ئاشکرا ژی کر، "سترانا زنارا سەربلند ژ پەیڤ و ئاوازێت من بخۆ نە لێ مە کریە د قالبەکێ کەڤناردا، نیوارکێستەی کارێ دەرهێنانێ کریە، بەیار باشوری مەتریال بۆ کلیپێ بەرهەڤکرن".

و.ح