سەرنووچە:

ئاڕتێشا تورکیا جهێن گەریلایێن پەکەکێ ل چیایێ خامتیر تۆپبارانکرن

فۆتۆ: 
2021-05-07

405 جار خوێندراوەتەوە

ئێڤاریا ئەڤرۆ دوبارە شەڕی دناڤبەرا ئاڕتێشا تورکیا و گەریلایێن پەکەکێ دا ل چیایێ خامتیر روویدا و نێزیک گوندێ کەشانێ ژی ژ ئالیێ ئاڕتیشێ ڤە هاتە تۆپبارانکرن.

ژێدەرەکێ ژ ناحیا دەرکارێ بۆ ئێن ئاڕ تی ڕاگەهاند، ئێڤاریا ئەڤرۆ ل دەمژمێر ٦:٣٠خولەک دووبارە شەڕ دناڤبەرا ئاڕتێشا تورکیا و گەریلایێن پەکەکێ دا ل چیایێ خامتیر و بتایبەتی خالا لهنداڤی بەحرا شکەفتا بهێرێ روویدا و هەیا نها زیان نەهاتنە زانین.

ئاماژە ب وێیەکێ ژی کر، ئاڕتێشا تورکیا تۆپبارانا سنورێ گوندێ کەشانێ ژی کر و شەڕ بتنێ نێزیکی ٢٠٠ مەتران دوویری وی گوندی بوو.

گوت ژی، پتریا توپان ژ خالێن هنداڤی گوندی کەشانێ یێن ئاڕتێشا تورکیا ڤە دهاتنە ئاڕاستەکرن.  

ئەڤە د دەمەکی دایە، ل ٢٣ی مەها دەربازبووی ئاڕتێشا تورکیا ئۆپەڕاسیۆنەک دژی گەریلایێن پەکەکێ ل سنورێ قەزا ئامێدیێ و زاخۆ دەستپیکریە و هەیا نها ژی بەردەوامە و هەر ب وێ سەدەمێ ژی گوندێ کێستە ل دەڤەرا بەرواری بالا ژ ئالیێ خەلکێ وێ ڤە بسەدەما نێزیکیا شەری هاتە و پاراتسنا گیانێ خۆ گوندێ خۆ چوولکرن.

وەحید سندی، زاخۆ

و.ح