سەرنووچە:

فڕاکسیۆنا پارتی دەربارەی سزادایێن بەهدینان هەلویستێ خۆ ڕاگەهاند

فۆتۆ: 
2021-05-07

1118 جار خوێندراوەتەوە

فڕاکسیۆنا پارتی ل پەرلەمانێ کوردستانێ ڕاگەهاند، "مە دڤێت دادگەهـ بوێرانە هەمی بریارێن عادیلانە بدەت و لبن کاریگەریا هەست و سوز و دەستوەردانان دا نەبیت"، دبێژت ژی، دڤێت لبەر چاڤێت دادگەهێ زەلال بیت و دوسەیان بەلارێدا نەبەتن".

فڕاکسیۆنا پاراتی ل پەرلەمانێ کوردستانێ دەربارەی سزادایێن بەهدینان ڕاگەهاندنەک بەلاڤکر و تێدا هاتیە، "ئەم بەری هەر هەرکەسی خۆ ب پێشڕەوێ رێزگرتنێ ل یاسایێ و نەبوونا حەقیێ دزانین و پشتەڤانیا ئازاد و هزرا ئازاد دکەین".

دبێژیت ژی، "دڤێت بەرچاڤێ دادگەهێ زەلال بیت و دوسەیان بەلارێدا نەبەتن، وەکی وێ یا مە دیتی بەریا چەندەکێ دوو رۆژنامەڤانێن دیارێن ڤێ هەرێمێ ل باژارێ سلێمانیێ بێ دادگەهـ و بێ وێیەکێ کو تومەتباران دەستنیشان بکەن، دگەل زارۆکێ وان لبەر چاڤێت هەموو دونیایێ شەهیدکرن".

بەحسا وێیەکێ ژی کریە، "لبەرچاڤێ هەموو دونیایێ (مستەفا سەلیمی) بێی شەرمانە تەسلیمکرن و مێهڤانداری بۆ کوردێن هەموو پارچەیان ژ ئالیێ هەرێمێ ڤە ل دەما تەنگاڤیان تێکدان".

فڕاکسیۆنا پارتی ل پەرلەمانێ کوردستانێ دبێژیت ژی، "مە دڤیت دادگەهـ ب ئازادانە هەموو بریارێن عادلانە بدەتن و لبن کاریگەریا هەست و سوز و دەستووەردانان دا نەبیتن".

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.

هەڤدەم، دوهی پێنجشەمبی، سەرۆکایەتیا دادگەها پێداچوونا هەرێما کوردستانێ بڕیارا دادگەها تاوانێن هەولێرێ یاکو شەش سالێن زیندانکرنێ بۆ وان هەر پێنج رۆژنامەڤان و چالاکڤانێن بەهدیناندا سەپاندی پەسەندکر و ڤێ یەکێ ژی کارڤەدانێن مەزن لسەر ئاستێ نافخۆ و دەرڤە لدیف خۆ ئینان.

و.ح