سەرنووچە:

ڕێڤەبەرێ بەنداڤێن هەرێمێ: زێدەباری هشکەسالیێ مە ئاریشا کێمیا ئاڤێ نابیت

فۆتۆ: 
2021-05-07

161 جار خوێندراوەتەوە

ڕێڤەبەرێ بەنداڤێن هەرێما کوردستانێ ڕاگەهاند، بسەدەما ئاڤا عەمبارکری و پرۆژێن لسەر رووباران و لێدانا چەندین بیران، ئەڤسالە ل هەرێمێ ئاریشا کێم ئاڤیێ بۆ ڤەخارنێ دروست نابیت، دبێژیت،"بۆ هشکەسالیێ حکومەتێ پلان دانایە و جێبەجێکرنا وێ پێتڤی ب ٢٠ ملیار دیناران هەیە".

ئەکرەم ئەحمەد، ڕێڤەبەرێ بەنداڤێن هەرێما کوردستانێ بۆ رۆپەلا فەرمی یا پارتی ڕاگەهاند، "ل دوو بەنداڤان مە ئاڤ عەمبارکریە، کو ئەوژی دوکان و دەربەندیخان کو یا کێمە، لێ مە رووبار گەلەک هەنە و پرۆژێن ئاڤێ زێدەتر لسەر رووبارانن، ژبەر ڤێ یەکێ مە پێتڤی ب ئاڤێ نابیت".

ڕاگەهاند ژی، ئاریشا کێمیا ئاڤا ڤەخارنێ بۆ وەلاتیان دروست نابیت، دیارکر، "مە ئاڤ بۆ سێ بواران هەیە، ئەوژی بۆ ڤەخارنێ و پێشەسازی و کشتوکال، و بۆ کشتوکالی مە زێدەتر پێتڤی ب ئاڤێ یە لێ پرۆژێن ستراتیژی نینن و زیدەتر بیران بکاردئینین، بۆ ئاڤا ڤەخارنێ ژی مە ئاریشە نابیت و دشێین مفای ژ بیران وەربگرین".

بەحسا وێیەکێ کر، حکومەتا هەرێمێ پلانەکا ستراتیژی بۆ بەرهنگاربوونا هشکەسالیێ هەیە، کو ئاڤێ بۆ ڤەخارنێ و بۆ کشتوکالی و ئاژەلان دابین بکەت.

دبێژیت، پلانێ پێتڤی ب نێزیکی ٢٥ ملیار دیناران هەیە، بۆ وێیەکێ ئەڤسالە بەشەکێ ئاریشێن وەلاتیان بهێنە چارەسەرکرن.

ئەڤە د دەمەکیدایە، ئەڤسالە رێژا باران بارینێ ب هەڤبەر دگەل سالێن دەربازبووی کێمتر بوویە و ب وێ سەدەمێ مەترسیا هشکەسالیێ هەیە.

 م.م