سەرنووچە:

٢٩ پەرلەمانتارێن هەرێمێ: پێنج رۆژنامەڤان ل گورەی یاسایێ مامەلە دگەل نەهاتیە کرن

فۆتۆ: 
2021-05-07

278 جار خوێندراوەتەوە

ژمارەیەک ژ پەرلەمانتارێن پەرلەمانێ کوردستانێ، ل نامەیەکێ دا ڕاگەهاند، "بریارا دادگەها هەولێرێ بۆ پەسەندکرنا بریارا شەش سال زیندان بسەر رۆژنامەڤان و چالاکڤانێن بەهدیناندا راست نینە"، هەروەسا دبێژن، "ل گورەی یاسایێ مامەلە دگەل نەهاتیە کرن".

٢٩ ئەندامێن پەرلەمانێ کوردستانی ژ فراکسیۆنێن جیاواز، د نامەیەکێ دا بۆ دادگەها پیداچوونا هەرێما کوردستانێ، داخازا پێداچوونێ ب بریارا دادگەها تەمیزا هەرێمێ دا دکەن و ئاماژە ب وێ یەکێ ژی کریە، "دانپێدانێن وان سزادایا لژێر گەفاندا بوو و ئەو ئاگەهداری تەڤایا دۆسیی بوون و چ بەلگە کو تاوانباربوونا وان بسەلمینیت؛ بەرچاڤنەکرنە".

دەقێ نامەیێ: نامەک بۆ دادگەها پێداچوونا هەرێما کوردستانێ

ئەم ئەندامێن پەرلەمانێ کوردستانێ کو ل خارێ ناڤێ مە هاتیە، برێیا ڤێ نامێ ئاشکرایە، داخازێ ژ دادگەها وە دکەین، بریارا خۆ، بریارا ژمارە ٤٦٨ ل بەروارا ٢٨ێ ٤ یا ٢٠٢١ێ تایبەت ب پێداچوونێ ب بریارا دادگەها تاوانێن هەولێر٢ تایبەت ب سزادایێن پاریزگەها دهۆک راست بکەن و سزایێ هەر ئێک ژ سزادایان شێروان ئەمین، شڤان سەعید، ئەیاز کەرەم، هاریوان عیسا، گوهدار موحەمەد ئەمین. هەلبوەشینیت، ژبەر هەبوونا ژمارەیەک خەلەتیان د ڤان خالێن خارێ دا بەشەکن:

١-سزادایی ل قوناغا ڤەکولینێ دا ل گورەی یاسایێ مامەلە دگەل نەهاتیە کرن پارێزەر بۆ دابین نەکریە.

٢-ئەو دانپێدانێن ل دۆسیێ دا هاتی، لژێر گەفاندا ژێ وەرگرتینە.

٣-سەرەدانا کونسۆلخانەیا ئەمریکا و ئەلمانیا ل هەولێر و وەرگرتنا هاریکاریێ بۆ کارو چالاکیێن مەدەنی ژ ئالیێ سزادایان ب تاوان هاتیە هژمارتن، ل دەمەکێ دا ئەڤە کارەکێ تەمام یاساییە، و سەدان رێکخراو و چالاکی مەدەنی و دامەزراوێن حکومی و نە حکومی ل کوردستانێ ل سالێن دەربازبووی و بەردەوام ژی ژ ئالیێ کونسۆلخانا وان دوو وەلاتان و کۆنسولخانا وەلاتێن دی ژی هاریکاری کرینە و هاریکاریێ دکەن، تا هەڤپەیمان بەردەوام مەهانە هاریکاریا هێزێن پێشمەرگەی دکەن.

٤-ئامادەبوونا ئالیێ سکالاکار کو ئاسایش بوون دناڤ هولا دادگەهێ وەک پاسەوان و د هەمان دەمدا وەکی سکالاکار بەروڤاژی یاسایێ یە، تا سەرەدەریا وان هێزان بێی فەرمانا دادوەری وێ نیشان ددەت کو ئەو هێز دناڤا دادگەهی بالادەستن. هەر ژبەر هندێ ل روانگەیا رێزگرتن ژ سەربەخۆییا دەستهەلاتان و درست نەبوونا ئالوزیا جڤاکی ل کوردستان و ژ دەست نەدانا باوەریێ ب دادگەهان و چەسپاندنا دادگەریێ بۆ سزادایان و کەس و کارێن وان، داخازێ ژ وە دکەین بریارا دەستەیا سزایێ دادگەها خۆ ژ ئالیێ دەستەیا گشتی یا دادگەها پێداچوونێ پێداچوون بۆ بهێتە کرن و بهێتە راستکرن و سزادایی بهێنە ئازاد کرن، ژبەرکو ئەم ئاگەهداری دۆسیێ بووین و ل رۆژا دادگەهێ ژی مە نوینەر ل ژمارەیەک ژ ئەندامێن پەرلەمانی ئامادەبووین و چ بەلگە نە بەرچاڤنەکرینە کو تاوانەک لسەر سزادایان ساخبکەن، و چەندین خەلەتیێن ستەما دادوەری ل دۆسیاندا یا هەی هەر ژ قۆناغێن ڤەکولینێ تا دادگەهکرنا وان و بریارا داویێ.

دگەل رێزگرتنێ

ئەندامێن پەرلەمانێ کوردستانێ:

١-گولستان سەعید.

٢-عەبدولستار مەجید.

٣-د.کازم فاروق.

٤-د.شێرکۆ جەودەت.

٥-عەلی حەمە سالح.

٦-سەرکۆ ئازاد گەلالی.

٧-ئەبۆبەکر هەلەدنی.

٨-هاورێ مەلا ستار.

٩-د.شایان عەسکەری.

١٠-سەرچنا ئەحمەد.

١١-شیرین ئەمین.

١٢-مژدە مەحموود موحەمەد.

١٣-عوسمان کانی کوردەیی.

١٤-سیپان سالم ئامیدیز

١٥-کاوە عەبدولقادر.

١٦-هلز ئەحمەد موحەمەد.

١٧-دایان موحەممەد.

١٨-ئاشنا عەبدوللا قادر.

١٩_ڕووپاک ئەحمەد رەحمان.

٢٠-موسلیم عەبدوللا قەصریی.

٢١-هەورامان گەچێنەیی.

٢٢-جەلال موحەمەد ئەمین.

٢٣-جەلال موحەمەد ئەمین.

٢٤-بەلێن ئیسماعیل.

٢٥-گۆران عومەر.

٢٦-یاسین خدر.

٢٧-رزگار شەهید حەمە نەگرەیی.

٢٨_بەدریە ئیسماعیل مەحموود.

٢٩_عومەر گولپی.

دوهی پێنجشەمبی، سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.

هـ.ر