سەرنووچە:

سی پی جەی: لایێ حکومەتا هەرێمێ ئازادیا رۆژنامەڤانی بتنێ ئاخفتنە

فۆتۆ: 
2021-05-06

201 جار خوێندراوەتەوە

رێکخراوا داکۆکیکرن ل رۆژنامەڤانان بەرنیاس ب سی پی جەی ڕاگەهاند، بریارا دادگەها هەولێرێ تایبەت ب پەسەندکرنا بریارا "شەش" سال زیندان بۆ زیندانکریێن هەولێرێ وێ یەکێ دگەهینیت کو لایێ حکومەتا هەرێمێ ئازادیا رۆژنامەڤانی بتنێ ئاخفتنە و چ پێنگاڤەکێ بۆ بەرقەرارکرنێ ناگرنەبەر.

ئەڤرۆ پێنجشەمبی، ئیگناسیۆ میگۆل دیلاگۆ نوینەری کاروبارین رۆژهەلاتا ناڤەراست و ئەفریقیا باکور ریکخراوا داکوکیکرن ژ رۆژنامەڤانان بەرنیاسە ب سی پی جەی د ڕاگەهاندنەکێدا بەحس ژ وێ یەکێ کر، بریارا پەسەندکرنا شەش سال زیندان بۆ شەش رۆژنامەفان و چالاکڤانا ژ ئالیێ دادگەهغا هەولێرێ، وێ چەندێ دگەهینیت کو دەستهەلاتدارێن هەرێمێ بتنێ ب ئاخفتن پارێزگاریێ ژ ئازادیا رۆژنامەڤانی دکەن.

ئەڤرۆ پێنجشەمبی، سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.

هـ.ر