سەرنووچە:

کونسولخانەیا ئەلمانیا ل هەولێری: بڕیارا ئەڤرۆ یا دادگەهێ لسەر زیندانکریێن بەهدینان بێ رامانە

فۆتۆ: 
2021-05-06

381 جار خوێندراوەتەوە

کۆنسولخانەیا ئەلمانیا ل هەولێرێ، دەربارەی بڕیارا دادگەها هەولێرێ یا تایبەت ب پەسەندکرنا سزایێ شەش سالێن زیندانکرنێ بۆ شەش رۆژنامەڤانێن بەهدینان ڕاگەهاند، "بڕیارا ئەڤرۆ یا دادگەهێ بێ رامانە و بەرۆڤاژی وی گیانێ پەیوەندیا دۆستانەیە و نێزیکی دناڤبەرا ئەلمانیا و هەرێما کوردستانا عێراقێ یە."

ئەڤرۆ پێنجشەمبی، کۆنسولخانا ئەلمانیا ل هەولێری لسەر بریارا دادگەها هەولێرێ ب پەسەندکرنا سزایێ شەش سال زیندانکرن بۆ شەش رۆژنامەڤانان د ڕاگەهاندنەکێ دا ئاماژە ب وێ یەکێ کریە، دلگرانی، بریارا دادگەها تەمیزێ یا هەولێرێ یە و وێ بریارێ پێتڤی ب بەلگەیێن زەلال یا هەی بۆ هندێ ل بریارێ تێبگەهن.

د ڕاگەهاندنا کونسۆلخانا ئەلمانیا دا هاتیە، کونسولگەرێ گشتیێ کۆمارا ئەلمانیایا فیدرال ل هەولێرێ، ب دلگرانیڤە ژ بریارا تەمیزێ ل دژی پێنج رۆژنامەڤان و چالاکڤانان تەماشە دکەت"، ئەو ژی یا هاتی، ئەڤ بریارا دادگەها هەولێرێ ل دەمەکیدایە، چەند رۆژا بەری نها بیرەوەریا رۆژا ئازادیا رۆژنامەڤانان کریە و مە هوشداری دەربارەی رەوشا رۆژنامەڤانا ل هەرێمێ یا دای.

هەرئەڤرۆ، کونسولخانا گشتی یا ئەمریکا ل هەولێرێ د لێدوانەکا تایبەت دا بۆ ئێن ئاڕ تی هەلویستێ خۆ دەربارەی سزادانا دەستەسەرکریێن بەهدینان ب شەش سالێن زیندانگرنێ ڕاگەهاند، "ویلایەتێن هەڤگرتیێن ئەمریکا هەر ژ دەستپێکێ پشتەڤانیا ئازادیا ڕادەربڕینێ و میدیایان کریە".

ئەڤرۆ پێنجشەمبی، سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.

مـ.م