سەرنووچە:

کونسولخانا ئەمریکا ل هەولێرێ لسەر کەیسا زیندانیێن بەهدینان هاتە دەنگ

د لێدوانەکا تایبەت دا بۆ ئێن ئاڕ تی
فۆتۆ: 
2021-05-06

161 جار خوێندراوەتەوە

کونسولخانا گشتی یا ئەمریکا ل هەولێرێ د لێدوانەکا تایبەت دا بۆ ئێن ئاڕ تی هەلویستێ خۆ دەربارەی سزادانا دەستەسەرکریێن بەهدینان ب شەش سالێن زیندانگرنێ ڕاگەهاند، "ویلایەتێن هەڤگرتیێن ئەمریکا هەر ژ دەستپێکێ پشتەڤانیا ئازادیا ڕادەربڕینێ و میدیایان کریە".

کونسولخانا گشتی یا ئەمریکا ل هەولێرێ د لێدوانەکا تایبەتدا بۆ ئێن ئاڕ تی ڕاگەهاند، "هەر چەندە ئەم بۆچوونا خۆ لسەر کەیسا تاکەکەسی ل دادگەهێ نادەین، لێ ویلایەتێن هەڤگرتیێن ئەمریکا هەر ژ دەستپێکێ پشتەڤانیا ئازادیا ڕادەربڕینێ و میدیایان کریە".

دیارکر ژی، "ئەو بەشەک ژ ناسناما مەیە و دێ بەردەوام بین ل پشتەڤانیکرنا ئێک ژ بەهایێن خۆیێن سەرەکی، هەروەسا دێ بەردەوام بین ل جەختکرن ژ گرنگیێن پێتڤیێن یاسایی و سەروەریا یاسایێ، دناڤدا ژی گەهشتن ب شێورا یاسایی".

کونسولخانا ئەمریکا بەحسا وێیەکێ کر، "ئەم چاڤەرێی تەڤایا حکومەتێن سەرانسەری جیهانێ دکەین رێزێ ل کارێ دیپلۆماتیێن ئەمریکا بگرن، کو هەڤئاوایێ رۆژنامەڤانان چاڤێن وان ب چەندین کەسان دکەڤیت ۆ ئەنجامدانا کارێن وان و ئەم هەمان رێز ل وان دیپلۆماتیێن بیانی دگرین کو ل ئەمریکا کاردکەن، د ناڤدا ژی نوینەرێن حکومەتا هلەرێما کوردستانێ".

ئەڤرۆ، سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.

م.م

 No description available.