سەرنووچە:

دیندار زێباری: د نهادا ئاریشا مەزن یا هەرێمێ ئالودەبوونا وەلاتیانە ب ماددەیێ هۆشبەر

 ئاریشا مەزن یا هەرێمێ
فۆتۆ: 
2021-05-06

108 جار خوێندراوەتەوە

رێکخەرێ راسپاردەیێ ناڤدەولەتی ل حکومەتا هەرێمێ ڕاگەهاند، ئاریشا مەزن یا هەرێمێ دنهادا هەبوونا ماددەیێن هۆشبەر و ئالودەبوونا وەلاتیانە ب وێ یەکێ.

دیدار زێباری رێکخەرێ راسپارێ ناڤدەولەتی ل حکومەتا هەرێمێ بۆ ئێن ئاڕ تی ڕاگەهاند، زێدەتر ژ دوو هزار و ٥٠٠ کەس ل هەرێمێ ئالودەی ماددەیێن هۆشبەر بوون و هاتنە گرتن و ل چاکسازیادانە، هەروەسا دبێژیت، "پێتڤی بوو زیندانا تایبەت هەبیت ب وان کەسێن ب تۆمەتا مامەلەکرن و بکارئینانا ماددەیێن هۆشبەر دهێنە دەستەسەرکرن و پێتڤی بوو بهێنە جوداکرن و تێکەلی زیندانیێن دی نەهێنە کرن، لێ نەشیاینە وێ بکەن."

هەڤدەم، زیا پترۆس سەرۆکێ دەستەیا سەربەخۆیا مافێن مرۆڤی بۆ ئێن ئاڕ تی بەحس ژ وێ یەکێ کر، ئێک ژ سەدەمان بێکاریە و ئێکا دی ژی نەبوونا سیستەمێ کارێ کافیتریایە، کو وەکریە ژ وێ ل درەنگیێن شەڤ مادەیێن هوشبەر ڤەگوهێزن و گەنجان پێ ئالودە بکەن.

دەربارەی زیندانکریێن بەهدینان ژی، دیندار زێباری بەحس ژ وێ یەکێ کر، کو ئەو بابەتەکە تایبەتە ب جڤاتا دادوەری.

گوتژی، ئەو کار لسەر ناڤبانگی یا ناڤدەولەتی نینە، بەحسێ جوداکرنا دەستهەلاتا هەرێمێ یە، جڤاتا دادوەری یا سەربەخۆیە و میکانیزما خۆ پەیرەو دکەت و لسەر ئاستێ نشتیمانی و هەرێمێ ژی پێتڤیە رێز ل دەزگەهێن حکومەتا هەرێما کوردستانێ بهێنە گرتن، هەروەسا ل سەر ئاستێ ناڤدەولەتی ژی ئەڤە دەستوریە و حکومەتا هەرێما کوردستانێ چ تێبینی لسەر حوکم و ناڤەرۆکا کەیسێن تۆمەتباران نینە.

هـ.ر