سەرنووچە:

ژبەر دەرئینانا ناڤێن وان دناڤ لیستا پارڤەکرنا پارچێن ئەردی دا بەشەک ژ وەلاتیان نەرازیبوون

فۆتۆ: 
2021-05-06

636 جار خوێندراوەتەوە

پشتی کو دوهی ٧٣ پارچێن ئەردی ب سەر ئاکنجیێن خیڤەتگەها شیڤ چنارکێ ل ناحیا شێلادزێ هاتینە پارڤەکرن، بەشەک ژ وەلاتیێن وێ خیڤەتگەهێ نەرازیبوون کو ناڤێن وان دناڤ لیستا پارڤەکرنا وان پارچێن ئەردی دا نەبوو، هژمارا وان ۱٤ سەرۆک خێزانبوون کو و ب وی سەدەمی بۆ دەمەکی نەرزیبوونا خۆ ل سەر جاددەیا گشتی یا شێلادزێ دیارکر .

ئێک ژوان وەلاتیێن نەرازی بۆ ئێن ئاڕ تی ڕاگەهاند، بڕیاربوو ٧٨ پارچێن ئەردی دگەل ٢٥ ملیون دیناران ب سەر وەلاتیێن خیڤەتگەها شیڤ چنارکێ دا بهێنە پارڤەکرن زێدەباری کو بتنێ پارچێن ئەردی بێی کوژمێ پارەی هاتنە پارڤەکرن، ناڤێن مە ۱٤ سەرۆک خێزانا دناڤدا نینە کو ئەڤە نێزیکی ۱۰ سالایە ئەم ل وێ خیڤەتگەهێ ئاکنجینە لەوما دخازێ ژ ئالیێن پەیوەندی دار دکەین مافێ مە نەهێتە بن پێکرن.

ئەڤە د دەمەکیدایە، ل داویا سالا ٢٠١٢ێ هژمارەکا سەرۆک خێزانێن کورد کو ئاوەرەیێن ئیران و تورکیا ببوون ل خیڤەتگەها شیڤ چنارکێ ل سنورێ ناحیا شێلادزێ هاتبونە ئاکنجیکرن.

م.م