سەرنووچە:

پارێزەرێن سزادایێن بەهدینان: داخازێ دکەین سزادایی سەر ژ نوی بهێنە دادگەهکرن

فۆتۆ: 
2021-05-06

266 جار خوێندراوەتەوە

سەرۆکێ تیما پارێزەرێن سزادایێن بەهدینان ڕاگەهاند، ل داهاتیدا چەند ریک ل بەردەمدا ماینە و تەعنێ ل بریارا دادگەهێ ددەن، ژبەرکو بریارا دادگەهێ خەلەتیێن جەوهەری یێن تێدا.

بەشدار حەسەن سەرۆکی تیما پارێزەرێن سزادایێن بەهدینان ل کۆنفرانسەکێ رۆژنامەڤانیدا ڕاگەهاند، ئێک ژ تومەتێن سزادایێن بەهدینان سەرەدانکرنا کونسۆلگەرێ ئەلمانیا و ئەمریکایە، ئەڤە ژی تاوان نینە و دبیت ئەو ژی ب وێ تۆمەتێ بهێتە زیندانکرن.

هەروەسا بەشدار حەسەن دبێژیت، بزاڤا راستکرنا بریارا دادگەها تەمیزێ ددەن ل داهاتیدا، لێ سەرۆکێ هەرێمێ دشێت ب لێبورینا گشتی وان گرتیان ئازاد بکەت.

ئاماژە ب وێ یەکێ ژی کر، ل رینشتنا داهاتیدا داخازێ دکەن سەروژنوی دۆسیێ ڤەگەرینن و هەمی تۆمەتباران ب ئامادەبوونا پارێزەران ئیفادە ژێ بهێنە وەرگرتن، هەروەسا دبێژیت، ژ سەرجەمێ پێنج ئەندامێن دادگەها پێداچوونێ دوو ئەندام رازی نەبوون ب بریارا سەپاندنا سزا بسەر گرتیێن بەهدینان.

ئەو ژی د دەمەکی دایە، سەرۆکایەتیا دادگەها پێداچوونا هەرێما کوردستانێ بریارا دادگەها تاوانێن هەولێرێ ب سزایێ شەش سال زیندانیکرن بۆ پێنج رۆژنامەنوس و چالاکڤانێن بەهدینان پەسەندکر.

ئەڤە ژی ل دەمەکیدایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بریارا سزایێ شەش سال زیندانکرنێ بۆ هەر ئێک ژ وان دەرخست.

هـ.ر