سەرنووچە:

ل زاخۆ خۆدانێن تانکەرێن ئاڤێ خرڤەبوونەکا نەرازیبوونێ ئەنجامدان

فۆتۆ: 
2021-05-06

363 جار خوێندراوەتەوە

دادگەها زاخۆ بریاردا پارکا ڕاوەستیانا تانکەرێن ئاڤێ ل وی باژاری بهێتە ڕاکرن و شوفێرێن تانکەران ژی خرڤەبوونەکا نەرازیبوونێ ئەنجامدان، دادوەرێ جێبەجێکارێ وی باژاری ژی دبێژیت، مە جهەکێ دی یێ بۆ وان بەرهەڤکری پێتڤی ناکت خۆ نەرازیکەن.

 ل زاخۆ نێزیک ئەکادمیا سەربای شوفێرێن تانکەرێن ئاڤێ خرڤەبوونەکا نەرازیبوونێ ئەنجامدا و ڕاگەهاندن، دادگەهێ بریارا ڕاکرنا وان ژ جهێ واندایە و ئە نەرازینە و دخازن بەریا ژ جهێ وان بهێنە ڕاکرن جەک به وان بهێتەدان.

ئاماژە ب وێیەکی ژی دکەن بەیا زێدەتری شەش سالان باژێرڤانیا زاخۆ ئەو جهەیێ دایە وان و ئەو ناخازان ژ وێرێ ڕابن. و ئاماژەیێ ب وێیەکی ژی دکەن، زێدەباری پارکا تانکەرێن ئاڤێ رەزەکێ مەزن ژی هەیە و نێزیکی ٣٠٠ بنێن دارا تێدا هەنە، ئەو دخازن وی رەزی ژی راکەن.

هەڤدەم، دادوەرێ جێبەجێکارێ زاخۆ ژی کو ل جهێ خرڤەبوونێ ئامادەبوو ژبوی ئێن ئاڕ تی ڕاگەهاند، دادگەهێ بریاردایە ئەڤ ئەردە بهێتە ڤالاکرن و دیارکریە ئەڤە ئەردێ ئەکادمیا سەربازیە و دڤێت بۆ وان بێهتە ڤەگەراندن.

ئاماژە ب وێیەکێ ژی کر، وان جهەکێ دی بۆ خودانێن تانکەران ئامادەکریە لێ کار سەر دهێتە کرن و هەیا تەمام دبیت بلا ئەو ل ڤی جهی بەردەوام کارێ خۆ بکەن و ئاڤێ ژ ڤێ شەمعێ بکێشن.

وەحید سندی، زاخۆ

و.ح