سەرنووچە:

حاکم شێخ لەتیف: بڕیارا سزادایێن بادینان چوویە بەردەستێ سەرۆکێ هەرێمێ

فۆتۆ: 
2021-05-06

505 جار خوێندراوەتەوە

لگۆڕه‌ی نڤیساره‌كا دادگه‌ها ته‌میزێ كو نها به‌لاڤكریه‌ و تێدا هاتیه‌، كو دادگه‌ها ته‌میزێ ب فه‌رمی بڕیارا شه‌ش سالێن سزادانا سزادایێن بەهدینان په‌سه‌ندكر، سەرۆکێ هەرێمێ ژى بتنێ دکاریت ب لێبورینا تایبەت بیاسایا سەرۆکایەتیا هەرێمێ وان ئازاد بکەتن.

حاکم شێخ لەتیف مستەفا  د پوستەکێ دا کو نفیسارا دادگەها تەمیزێ بۆ پەسندکرنا بریارا سزادانا چالاکڤانێن بەهدینان بەلاڤکریە نڤێسایە، بڕیارا دادگەهێ کو ب لێبورین ڤە سزادانا رۆژنامەڤان و چالاکڤانێن بەهدینان ب پرانیا دەنگان هاتە پەسندکرن .

هەروەسا دبێژیت ، نوکە تەپە دناڤ یاریگەها سەروکێ هەرێمێ دایە کو وى بەرى نها ڕاگەهاندبوو، ئەو حوکم نە دادپەروەریە کاریگەریا خراب ژى لسەر ناڤ و دەنگیا هەرێمێ هەیە و بلا نها کەرەم بکەت لگۆر یاسا سەرۆکاتیا هەرێمێ ئەو بخۆ لێبوورینا تایبەت بۆ وان دەربێخیت.

ئەڤە د دەمەکی دایە، ل مەها ١١ێ سالا ٢٠٢٠ێ هەژمارەکا چالاکڤان و رۆژنامەڤانێن بەهدینان هاتنە دەستەسەرکرن و ل ١٦ی مەها سباتا ئەڤ سالە ل دادگەها کەتنا دوویا هەولێرێ ب تومەتا سیخوریکرنێ هەر ئێک ژ شڤان سەعید و شێروان شێروانی و ئەیاز کەرەم و گوهدار زێباری و هاریوان عیسا  ب شەش سالێن زیندانکرنێ هاتنە سزادان.

هەڤدەم، سەرۆکێ هەرێمێ ژی ل هەمان دەم د پەیامەکێ دا داخازکربوو دادگەها پێداچوونێ سەربەخویا خۆ ب پارێزیت و بێ لایەنانە بریارێ لسەر چارەنڤێسێ وان کەسان بدەت.