سەرنووچە:

دادگەها پێداچوونا سزای سزادایێن بەهدینان پەسەندکر

فۆتۆ: 
2021-05-06

431 جار خوێندراوەتەوە

سەرۆکایەتیا دادگەها پێداچووونا هەرێما کوردستانێ بڕیارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.

سپێدا ئەڤرۆ، دیندار زێباری رێکخەرێ ڕاسپاردەیا ناڤدەولەتی ل حکومەتا هەرێمێ ڕاگەهاند، سزادایێن بەهدینان "ل دادگەهێ تاوانباربوون  و دادگەهێ بڕیار لسەر دایە و پەیوەندی ب حکومەتێ ڤە نینە".

دیندار زێباری ئاماژە ب وێیەکێ ژی کر، "حکومەتە ب تنێ ئالیێ جێبەجێکارە بۆ بڕیارا دادگەهێ"، دبێژیت ژی، "ل هەرێما کوردستانێ جڤاتا دادوەری و دەستهەلاتا داوەری سەربەخۆیە".

ئەو ژی د دەمەکی دایە، ل ناڤەراستا مەها سباتێ، ل دادگەها هەولێرێ دادگەها پێنج رۆژنامەڤان و چالاکڤانێن بەهدینان برێڤەچوو، کو تێدا لدیف هەردوو ماددەیێن ئێکێ ژمارا ٢١ی یا سالا ٢٠٢١ێ یا تایبەت ب بزاڤکرنێ بۆ تێکدانا ئاسایشا نەتەوەیی هاتنە سزادان ب شەش سالێن زیندانکرنێ و ل ٢٨ی مەها چارا دەربازبووی ژی دادگەها پێداچوونێ ب پرانیا دەنگان پەسەندکر.

دەقێ بڕیارێ:

No photo description available.

و.ح