سەرنووچە:

پێشەسازیا دهۆکێ دێ هێتە ڤەگوهاستن و جهێ وێ دی بیتە پارک

فۆتۆ: 
2021-05-06

191 جار خوێندراوەتەوە

ڕێڤەبەرێ وەبەرهێنانا دهۆکێ ڕاگەهاند، ئەو چاڤەرێنە ل بەری داویا ئەڤ سالە پێشەسازیا دهۆکێ بیهێتە ڤەگوهاستن بۆ جهێ خۆیێ نوی کو دەڤەرا ئالۆکایە، و جهێ نها یێ پێشەسازیێ ل تاخێ سەرهلدان دێ بیتە پارک.

کوردۆ ئێحسان ڕێڤەبەرێ وەبەرهێنانا دهۆکێ بۆ ئێن ئاڕ تی ڕاگەهاند، چاڤەرێی وێیەکێ دکەین ل بەری داویا ئەڤ سالە پێشەسازیا دهۆکێ بیهێتە ڤەگوهاستن بۆ جهێ خۆیێ نوی بۆ دەڤەرا ئالۆکا، دبێژیت ژی، دێ جهێ پێشەسازیێ بیتە پارکەکا بهێنڤەدانێ.

ئاماژە ب وێیەکێ ژیکر، کو پێشەسازیا مالتایێ هەیا نها د وێ پلانێدا نینە، لێ دێ هەولدەین ئەوژی بهێتە ڤەگوهاستن بۆ دەڤەرا پێشەسازی.

پەیڤدارێ باژێرڤانیا دهۆکێ ژی بۆ ئێن ئاڕ تی گوت، باژێرڤانیا دهۆکێ ١٧٦ پارک و باخچە و ناڤەندێن جاددان هەنە ل دهۆکێ رێژا کەسکاتیێ ١٣,٦ لێ ئەڤ رێژا کەسکاتیێ بۆ دهۆکێ کێمە و هەر ژبەر ڤێ یەکێ پارکەکا ٩٠٠ دونەمی دێ هێتە دروستکرن، کودێ هەر ل دەڤەرا ئالۆکا بیت.