سەرنووچە:

لژنەیەکا تایبەت دیفداچوونێ بۆ مەلەفێ بالەفڕخانەیا دهۆکێ دکەت

فۆتۆ: 
2021-05-06

385 جار خوێندراوەتەوە

ئەرد بوو بالەفڕخانەیا دهۆکێ هاتبوو دابینکرن، بڕیار ژی بوو بەری قەیرانا دارایی دەست ب جێبەجێکرنێ بهێتە کرن، لێ تا نها پرۆژە ب فەرمی نەچوویە د بوارێ جێبەجێکرنێدا، وەزیرێ ڤەگوهاستنێ ژی د بێژیت، مەلەفێ بلەفڕخانەیا دهۆکێ ل وەزارەتیێە و لژنەکا تایبەت دیفداچونێ بۆ دکەت.

ئانۆ جەوهەر، وەزیرێ ڤەگوهاستن و گەهاندنێ، بۆ رۆپەلا فەرمی یا پارتی ڕاگەهاند، " مەلەفێ پرۆژەیێ بالەفڕخانەیا دهۆکێ ل وەزارەتا ڤەگوهاستنێ یە و لژنەکا تایبەت بۆ هەلسەنگاندنا پرۆژێ بالەفڕخانەیا دهۆکێ پێک هاتیە، ل گورەی یاسایێ لژنە کارێ خۆ ئەنجان ددەت، راپۆرتێن خۆ ئامادە دکەن، نها پرۆژەیێ بالەفڕخانەیا دهۆکێ د قوناغا دیفداچونێ دایە".

ئانۆ جەوهەر بەحسا وێ یەکێ ژیکر، کارکرن لسەر پرۆژەی دێ یا بەردەوام بیت هەیا دگەهیتە قوناغا داویی و هەر دەمێ لژنە گەهشتە قۆناغا داویێ، نرخاندنا خۆ ئەنجامدا بۆ دەستپێکرنا پرۆژەی وی دەمی ئەم دێ هویرکاریێن دەستپێکرنا پرۆژەی بۆ رایا گشتی ئەشکەرا کەین، ژبەرکو دەمێ نە دیارە، دەستپێکرنا پرۆژەی ژی گرێدای کارێن وێ لژنا دیڤداچوونێ یە بۆ پرۆژەی.

هـ.إ