سەرنووچە:

​بهەڤچوون دناڤبەرا پێشمەرگە و پەکەکێ دا ڕوویدا

فۆتۆ: 
2021-05-06

383 جار خوێندراوەتەوە

ل سنورێ برادۆست بهەڤچوون دناڤبەرا هێزێن پێشمەرگە و پەکەکێ دا روویدا و ل گۆرەی زانیاریان زیانێن گیانی بەر پێشمەرگەی نەکەفتنە.

عەبدۆ رۆستای نووچەگەهانێ ئێن ئاڕ تی ل سۆران ڕاگەهاند، ل ناحیا سیدەکان ل سنورێ برادۆست بهەڤچوون دناڤبەرا هێزێن پێشمەرگەی سوپایێ بالەکایەتی یێ سەر ب فەرماندا هەلگورد و هێزێن پارتا کرێکارێن کوردستانێ (پەکەکێ) دا روویدا.

ئاماژە ب وێیەکێ ژی کر، ل گۆرەی زانیاریان بهەڤچوون نیڤ دەمژمێرێ درێژبوو و د شەری دا بیکەیسی و ئاربیجی و نارنجوکێن دەستی هاتن بکارئینان.

بەحسا وێیەکێ ژی کر، د شەری دا چ زیانێن گیانی بەر ب هێزێن پێشمەرگەی نەکەفتن و پەکەکەژی د وێ دەڤەرێ دا نەمانە و چ زانیاری دەربارەی زیانێن وان ناهێنە زانین.

ئەوژی د دەمەکی دایە، ل مەها ١١ێ یا سالا دەربازبووی ژی دا، شەر و بهەڤچوون دناڤبەرا هێزێن پێشمەرگەی و گەریلایێن پەکەکێ دا ل ناحیا چەمانکێ ل سنورێ دەڤەرا ئامێدیێ روویدا، کو سێ پێشمەرگە برینداربوون و پاشان پێشمەرگەیەکی ژیانا خۆ ژ دەستدا.

و.ح