سەرنووچە:

ئەرێ سەندیکا هونەرمەندان سکالا لسەر بابێ سەنگەری تۆمارکریە؟

فۆتۆ: 
2021-05-05

1210 جار خوێندراوەتەوە

بەرپرسا سەندیکا هونەرمەندان ڕاگەهاند، هەر کەسێ د سوشیال میدیایێ دا یان ل کەنالاندا پێکولا نە شرینکرنا هونەرێ کوردی بکەتن ژێ ناهێتە قەبیلکرن و دێ پێرابونێن یاسایی دگەل هێنە کرن.گوت ژی مە سکالا لسەر بابێ سەنگەری تومارنەکریە بتنێ مە دڤێت گازیکەنە سەندیکایێ.

ئەڤین حسێن بەرپرسا سەندیکا هونەرمەندێن کوردستانێ لقێ دهۆکێ بۆ ئێن ئاڕ تی ڕاگەهاند، مە پەیرەوێ هەی مافێ هونەرمەندا و هونەرێ کوردی د پارێزیت، هەر کەسێ ب هەر رێکا هەبیت بزاڤێن نەشرینکرنا هونەرێ کوردی بکەت ژێ ناهێتە قەبیلکرن و دێ پێرابوونێن یاسایا ل هەمبەر هێنە بکارئینان.

گوت ژی، وەکی سوشیال میدیا رۆژا گەهاندنەکا ئازادە و هەر ئێک دشێت ب دلێ خۆ دناڤا رۆپەلاخۆ دا تشتەکێ بەلاڤبکەتن یێ ئازادە و مە چ پەیوەندی پێڤە نینە لێ تەشهیر ب هونەری و هونەرمەندان نابیتن و تشتەکێ نەیێ جانە.

بەحسا وێیەکێ ژی کر، هەرکەسێ ڤان کارا بکەتن دێ گازییکەنە سەندیکایێ و دێ پێرابوونێن خۆ دگەلدا وەرگرین و دێ تێگەهینین بەلکێ ئەو ژی نەزانیت بتنێ بۆ لایک و کومێنتان وەبکەتن.

بەرپرسا سەندیکا هونەرمەندان گوت ژی، مە کارێ خۆ یێ کری کو ب فەرمی بابێ سەنگەری کو نە ئێک بتنێ یە بەلکو گەلەکێن وەکی وینە بتنێ ئەو وەکی نمونە هاتەبەحسکرن گازیکەنە سەندیکا هونەرمەندان لێ هێشتا مە چ سکالا لسەر تومارنەکرنە.

ئەڤە د دەمەکی دایە، ل تورێن جڤاکی بەلاڤبوو کو سەندیکایێ سکالا لسەر بابێ سەنگەری تومارکریە ب سەدەما وێیەکێ کو تەشهیرێ ب سترانا کوردی و هونەرمەندان دکەتن، لێ سەندیکا ئەوی نووچەی ڕەتدکەتن.