سەرنووچە:

جڤاتا وەزیرێ هەرێما کوردستانێ دێ جڤیتن

چەند پرسان دێ گوتوبێژکەن
فۆتۆ: 
2021-05-05

240 جار خوێندراوەتەوە

فەرمانگەها میدیا و زانیاری د ڕاگەهاندنەکێ دا بەلاڤکریە، ئەڤرۆ جڤاتا وەزیرێن هەرێما کوردستانێ دێ جڤیتن و گۆتۆبێژان لسەر پرۆژەیا ستراتیژیا نشتیمانی بەرهەنگاربوونا گەندەلیێ کەتن.

ل گۆرەی ڕاگەهاندنێ، جڤین دێ ل دەمژمێر ٥ی ئێڤاری بیتن و تێدا گۆتۆبێژ لسەر ڕەشنڤێسا پرۆژەیێ ستراتیژیا نشتیمانیا بەرهەنگاربوونا گەندەلیێ ل هەرێما کوردستانێ و بەردەوامیدان ب گۆتۆبێژێن پرۆژەیاسایا بودجەیێ هەرێما کوردستانێ بۆ سالا ٢٠٢١ێ دهێتە کرن.

هەڤدەم، نیشاندانا رەشنڤێسا پرۆژەیاسایا ئەولەکاریا تایبەت ل هەرێما کوردستانێ تەوەرەکێ دی یێ جڤینێ بیت، دگەل دیارکرنا رەشنڤێسا پرۆژەیاسایا هەموارا یاسایا وەزارەتێن دارایی و ئابووری ل هەرێما کوردستانێ-عێراق.

فەرمانگەها میدیا و زانیاریان بەحسا وێیەکێ ژی کریە، د جڤینێ  دا ڕاپۆرتا تایبەت ب ڕەوشا پێکهاتەیان ژی گوتوبێژێ لسەر کەتن.