سەرنووچە:

لسەر داخازکرنا موچەیێ فەرمانبەران؛ کاوە عەبدولقادر ژئالیێ سەرۆکا پەرلەمانی ڤە هاتە دەرێخستن

فۆتۆ: 
2021-05-05

439 جار خوێندراوەتەوە

لسەر بەحسکرنا موچەی جێگرێ سەرۆکێ فراکسیۆنا نەوەی نوێ ژ پەرلەمانێ هاتە دەرێخستن، کاوە عەبدولقادر  ڕاگەهاند، شانازیە ل پێناڤ مافێن خەلکی ژ رووینشتنا پەرلەمانی بهێیە دەرێخستن.

د رووینشتنا ئەڤرۆ یا پەرلەمانێ کوردستانێ ئالوزی دروست بوو، جێگرێ سەرۆکێ فراکسیۆنا نەوەی نوێ ژئالیی پەرلەمانی ڤە ژ رووینشتنا پەرلەمانی هاتە دەرێخستن.

ئالوزی دناڤبەرا جێگرێ سەرۆکێ فراکسیۆنا نەوەی نوێ و سەرۆکایەتیا پەرلەمانی دا دروست بوو لسەر بەحسکرنا موچەی.

کاوە عەبدولقادر ڕاگەهاند، شانازیە ل پێناڤ مافێن خەلکی ژ رووینشتنا پەرلەمانی بهێیە دەرێخستن.

ئەڤە د دەمەکیدایە ئەڤرۆ بۆ جارا پێنجێ سەرۆکایەتیا پەرلەمانێ کوردستانێ رێک ب کازم فاروق سەرۆکێ فراکسیۆنا نەوەی نوێ نەدا بچیتە دناڤ هولا پەرلەمانی دا و ئامادەی رووینشتنا ئەڤرۆ ببیت.

ژ ئالیێ خۆڤە، کازم فاروق سەرۆکێ فراکسیۆنا نەوەی نوێ ڕاگەهاند، "دڤێت رێگریێ بکەن کو بەحس ل دزیێن پارتی و ئێکەتیێ نەکەین".