سەرنووچە:

سیپان ئامێدی: رێگری مە سار ناکەت ژ بەرەڤانیکرنا مافێ خەلکی

فۆتۆ: 
2021-05-05

182 جار خوێندراوەتەوە

سیپان ئامێدی ئەندامێ پەرلەمانێ کوردستانێ ل فراکسیۆنا نەوەی نوێ ڕاگەهاند، " رێگری مە سار ناکەت ژ بەرەڤانیکرنا مافێ خەلکی".

پشتی رێگری ل سەرۆکێ فراکسیۆنا وان هاتیە کرن، سیپان ئامێدی ئەندامێ پەرلەمانێ کوردستانێ ل فراکسیۆنا نەوەی نوێ د کۆنفرانسەکێ رۆژنامەڤانیدا ڕاگەهاند، "ئەوا لهەمبەر کازم فاروق و نەوەی نوێ دهێتە کرن نیشانا هندێیە کو فراکسیۆن د پەرلەمانیدا تەکەزیەکا دژوار ژ مافێن خەلکێ کوردستانێ دکەت ".

سیپان ئامێدی ڕاگەهاند ژی، "ل جهێ سەرۆکاتیا پەرلەمانی ل بەرەیێ گەلی بیت و تەکەزیێ ل مافێ خەلکی بکەت، ژبەر پارتی و ئێکەتیێ رێکێ ب فراکسیۆنا مە نادەت ب ئازادی تەکەزیێ ل مافێن خەلکی بکەین".

پەرلەمانتارێ نەوی نوێ دبێژیت ژی، "ب پشتراستی ڤە دێ د بەردەوامبین ل تەکەزکرنێ ژ مافێن رەوایێن خەلکی".

هەڤدەم، مژدە مەحمود ئەنداما پەرلەمانێ کوردستانێ ل فراکسیۆنا نەوەی نوێ د کونفرانسەکێ رۆژنامەڤانیدا ڕاگەهاند،"ب چ رەنگەکی ناترسین ژ ئازاردانێن دەستهەلاتێ هەمبەری مە، هەر تشتەکێ د خزمەتا خەلکی دابیت دێ وێ کەین".

مژدە مەحمود ڕاگەهاند ژی، "دەستەیا سەرۆکایەتیا پەرلەمانی ل شوینا تەکەزیێ ل مافێ خەلکی بکەن رێگریێ ل سەرۆکێ فراکسیۆنەکا ئوپوزسیۆن دکەن و ناهێلن بچیتە دناڤ پەرلەمانی دا".

ئەڤە د دەمەکیدایە ئەڤرۆ بۆ جارا پێنجێ سەرۆکایەتیا پەرلەمانێ کوردستانێ رێک ب کازم فاروق سەرۆکێ فراکسیۆنا نەوەی نوێ نەدا بچیتە دناڤ هولا پەرلەمانی دا و ئامادەی رووینشتنا ئەڤرۆ ببیت.

ژ ئالیێ خۆڤە، کازم فاروق سەرۆکێ فراکسیۆنا نەوەی نوێ ڕاگەهاند، "پێتڤیە رێگریێ بکەن کو بەحس ل دزیێن پارتی و ئێکەتیێ نەکەین".