سەرنووچە:

بۆ جارا پێنجێ؛ رێگری ل کازم فاروق هاتە کرن کو بچیتە دناڤ ئاڤاهیێ پەرلەمانی دا

بۆ جارا پێنجێ
فۆتۆ: 
2021-05-05

268 جار خوێندراوەتەوە

بۆ جارا پێنجێ رێگری ل کازم فاروق سەرۆکێ فراکسیۆنا نەوەی نوێ هاتەکرن کو بچیتە دناڤ پەرلەمانێ کوردستانێ دا.

پشتی کو رێگری لێ هاتیەکرن، کازم فاروق ڕاگەهاند، "ئەرکێ مەیە نەخۆشیێن خەلکی ب گەهینین و نها ئەم تاکە هێزین کو رێگری ژ ئالیێ هەردوو هێزێن دەستهەلاتێ لمە دهێتە کرن، لێ دێ هەر د بەردەوامبین".

کازم فاروق ڕاگەهاند ژی، "دەستهەلاتێ دڤێت د ناڤ پەرلەمانی دا مناقشێن جدی نەهێنە کرن، چونکی وەک نەوەی نوێ دێ دگەل خەلکی دابین و بێ هەلویست نابین".

سەرۆکێ فراکسیۆنا نەوەی نوێ دبێژیت ژی، "دڤێت رێگریێ بکەن دا بەحسا دزیێن پارتی و یەکێتیێ نەکەین".

رۆژا ٣١ێ ئادارێ، کازم فاروق سەرۆکێ فراکسیۆنا نەوەی نوێ ل پەرلەمانێ کوردستانێ جوتەکێ پێلاڤا گرتە دەستەیا سەرۆکایەتیا پەرلەمانی و سەدەما وێ ژی بۆ وێ یەکێ ڤەگەراند پەرلەمان بەحسێ بابەتەکێ دکەت پەیوەندی ب ئاریشە و ژیانا خەلکیڤە نینە.

ل پشتی وێ ژی ب دەنگێ ٧٣ پەرلەمانتارێن کوردستانێ ل فراکسیۆنێن پارتی و ئێکەتی و بەشەک ژ پەرلەمانتارێن گۆران و پێکهاتان دەنگ ل سەر وێ یەکێ دا، کو سەرۆکێ فراکسیونا نەوەی نوێ نەشێت بەشداریا دانیشتنێن پەرلەمانی بکەت، ئەگەر دەربارەی پێلاڤ گرتنا دەستەیا سەرۆکایەتیێ داخازا لێبورینێ بکەت، هەڤدەم، رێواز فایەق سەرۆکا پەرلەمانی ژی گوتی، تا کازم فاروق داخازا لێبورینێ نەکەت رێک پێناهێتەدان بەشداریا رینشتنان بکەت.

ل ١٤ی مەها دەربازبووی دا بۆ جارا دوویێ رێگری ل کازم فاروق هاتە کرن پشکداریا رووینشتنا پەرلەمانی بکەت، دەربارەی وێ یەکێ، سەرۆکێ فراکسیۆنا نەوەی نوێ گوتی، "ئەم داخازا لێبورینێ ناکەین و ئەوێ کو پێتڤی یە داخازا لێبورینێ بکەت سەرۆکێ حکومەتا هەرێمێ و جێگرێ ویە، کو موچەیێ خەلکی بڕییە و گەنج بێکار کرینە".

کازم فاروق ئەوژی دیارکر، "پارتی و یێکەتی پێتڤی یە داخازا لێبورینێ ژ خەلکی بکەن، کو خودانێ ٣١ی تەباخێ و ١٦ی ئوکتۆبەرێ نە و شەری نافخۆ کریە و د نها دا ژی رێگری ل سەرۆکێ فراکسیۆنەکا ئۆپۆزسیۆن دکەن بچیتە پەرلەمانی، ب ڤێ یەکێ ژی دژایەتیا خەلک و دەنگێ خەلکی دکەن".

٢٧ی نیسانێ بۆ جارا پێنجێ رێگری ل کازم فاروق هاتەکرن و دبێژیت، "ئەوێ دزیێ ژ خەلکی بکەت و گەنجان دکوژیت زێرەڤانی دهێتەکرن، لێ رێگری ل مە دهێتەکرن".