سەرنووچە:

دەربارەی مەزاختنا مینحەیا زیندانیێن سیاسی زەلالکرن دهێتەدان

فۆتۆ: 
2021-05-04

112 جار خوێندراوەتەوە

وەزیرێ کاروبارێن شەهید و ئەنفالکریان ڕاگەهاند، مینحەیا مەهانەیا زێدەتر ژ ٦٠٠ زیندانیێن سیاسی دێ بەردەوام بیت، ب مەرجەکی چ مینحە و مووچەیێن دی نەبن.

ئەڤرۆ سێشەمبی، وەزارەتا کاروبارێن شەهید و ئەنفالکریێن هەرێمێ د ڕاگەهاندنەکێ دا بەلاڤکر، پشتی هیربینی و ڤەکۆلینان لسەر لیستا زێندانی و گرتیێن سیاسی بڕیاردا مەزاختنا مینحەیا مەهانە وەک کاروانێ ئێکێ بۆ ٦٣٩ زیندانیێن سیاسی بەردەوامبیت.

د ڕاگەهاندنێ دا هاتیە، ئەو زیندانیێن سیاسی بۆ دەما ١٠ سالان مینحەیا خۆ ب داوی ئینایە و چ مووچەیەکێ دی نینە، پێتڤیە هەر ئێک ژوان ب رێکا بایۆمەتری و سوزناما دادنڤیسی تەکەزیێ بکەت کو چ مووچە و مینحەیەکا دی ل هەر دوو حکومەتێن عێراق و هەرێما کوردستانێ نینە.

لگورەی یاسایێ پشتی ١٠ سالان مینحەیا زیندانیێن سیاسی ب دوادی دهێت، لێ ئەوێن چ مووچەیەک نەبیت ژێ ناگریت و مینحەیا وان دێ بەردەوام بیت.

د ماوێ دەربازبووی ژی دا بەشەکێ زیندانیێن سیاسی چەند جاران خرڤەبوون ئەنجامداینە بۆ وێیەکێ هەڤئاوایێ بەغدا بن و دەمێ ١٠ سال بهێتە زێدەکرن بۆ ٢٥ سالان.

م.م