سەرنووچە:

بسەدەما شەرێ پەکەکێ و تورکیا گوندەکێ سنورێ ئامێدیێ هاتە چوولکرن

فۆتۆ: 
2021-05-04

512 جار خوێندراوەتەوە

نووچەگەهانێ ئێ ئاڕ تی ڕاگەهاند، گوندێ کێستە ل سنورێ دەرڤەرا بەرواری بالا بسەدەما شەرێ دناڤبەرا چەکدارێن پەکەکێ و ئارتێشا تورکیا دا هاتە چوولکرن.

مەحمود کێستەی موختارێ گوندێ کێستە بو ئێن ئاڕ تی ڕاگەهاند، ئێڤاریا ئەڤرۆ گوندێ کێستە ل دەڤەرا بەروارەی بالا دووبارە شەڕی دناڤبەرا پەکەکێ و ئارتێشا تورکیا دا دەستپێکر و ب سەدەما نێزیکبوونا شەری ئاکنجیێن وی گوندی بنەچاری گوند چوولکرن.  

بەحسا وێیەکێ ژی کر، نێزیکی ١٥ مالان ل گوندی هەبوون کو د نهادا هند ژوان چووینە کوملگەها بێگوڤا وهندەکێن دی ژی چووینە زاخۆ، بسەدەما بۆمبەباران و تۆپبارانێن بەردەوام ئاگر ب پشتا گوندی کەتیە وبەشەکا دارستانێ شەوتیە و نهاژی ئاگر پێڤەیە.

ئەڤە د دەمەکیدایە، ل ۲۳ی مەها دەربازبووی و هەیا نها ئارتێشا تورکیا ئۆپارسیۆنەکا سەربازی ل سەرێ زنارا کێستە دەسپێکریە، د نهادا ل چار جهان بنەجهـبووینە و رۆژانە ژی شەر دناڤبەرا هەردوو لیان دا دهێتە کرن.

نیهاد ئورەماری/ ئامێدیێ