سەرنووچە:

رێکخراوا CPT و مالباتێن سزادایێن بەهدینان پەسەندکرنا سزایێ وان ڕەتدکەن

داخازییەکێ ل سەرۆکێ هەرێمێ ژی دکەن
فۆتۆ: 
2021-05-04

330 جار خوێندراوەتەوە

ئەڤرۆ پشتی بەلاڤبوونا خەبەرێ دادگەها تەمیزا هەرێمێ کو دخوازیت سزایێ وان هەر پێنج سزادایێن بەهدینان پەسەند بکەتن، ڤێ یەکێ ژی کارڤەدان لسەر ئاستێ نافخۆ و دەرڤە لدیف خۆ ئینان. مالباتێن وان ژی دبێژن، چاڤێ مە ل ئازادکرنا وان بوو.

د کونفرانسا رۆژنامەڤانیدا نوینەرێ مالباتێن سزادایێن بەهدینان ئاماژە ب وێیەکێ کرن، کو ئەو چاڤەرێ ئازادکرنا کۆێن خۆ بوون نەکو پەسەندکرنا سزای بسەرواندان، ژبەرکو ئەڤ کەسە بێ گونەهن. هەورەسا، داخازێ ل رێکخراوێن جڤاکا سڤیل و کونسولخانە و نوینەرایەتیا وەلاتان دکەین بجدەی هاریکاربن نەبتنێ بەیاننامەیان بدەرێخن.

هەڤدەم، داخازێ ل سەرۆکێ هەرێما کوردستانێ  ژی دکەن بریارەکا باشتر دەربارەی خێزان و مالبات و وان کەسا بخۆ بدەتن و دادگەەهـ ژی بێ ئالیا خۆ ب پارێزییت و بریارەکا بێ لایەنگری بدەرێخن.

هەر د وی کونفرانسا رۆژنامەڤانی دا کو رێکخراوا CPT ژی بەژدارببوو ڕاگەهاند، هەر ژ دەستپێکێ و هەیا نها ئەو پینگاڤ پێنگاڤ دگەل ڤێ دوسەیێ بوونە و جهێ سەرسامیێ بوو دەما دادگەهێ بریارا شەش سالێن زیندانکرنێ بسەر واندا سەپاندی، ژبەرکو ئەڤ بەلگەیێن دادگەهێ وەسا نەبوون ڤێ تومەتێ لسەر وان ئیسباد بکەن.

بەحسا وێیەکێ ژی کر، ژبەرکو ئەو رۆژنامەڤان و چالاکڤانە دگەل کونسولخانە و نوینەرایەتیێن وەلاتان دەربارەی ئازادی و رەوشا هەرێمێ ئاخفتنە دادگەهێ ئەو تومەتبارکرنە و کرینە جاسۆس.

گوت ژی، ئەڤە کارە نەبتنێ مەترسیە بۆ سەر رەوشا ئازادیا دەربرینا وان گرتیان بەلکو مەترسی و هێرشە بۆ سەر هەموو تاکێن هەرێمێ و کارێ جڤاکا سڤیل، ژبەر وێیەکێ هیڤیدارین دادگەها تەمیزێ ب زۆترین دەم بریارەکا دادپەوەرانە بدەت و هەروەسا هیڤیدارین سەرۆکێ هەرێما کوردستانێ ژی هەلویستێ خۆ نیشانبدەت وەکی چاوا وی بخۆ گوتیە دڤێت دادگەهـ ب سەربەخۆی کاربکەن.

ئەڤە د دەمەکی دایە، ل مەها ١١ێ سالا ٢٠٢٠ێ هەژمارەکا چالاکڤان و رۆژنامەڤانێن بەهدینان هاتنە دەستەسەرکرن و ل ١٦ی مەها سباتا ئەڤ سالە ل دادگەها کەتنا دوویا هەولێرێ ب تومەتا سیخوریکرنێ هەر ئێک ژ شڤان سەعید و شێروان شێروانی و ئەیاز کەرەم و گوهدار زێباری و هاریوان عیسا  ب شەش سالێن زیندانکرنێ هاتنە سزادان.

هەڤدەم سپێدا ئەڤرۆ، حاکم شێخ لەتیف ڕاگەهاند، دادگەها پێداچوونا هەرێمێ ب زۆرینەیا دەنگان کو ژ پێنج دەنگان پێک دهێت ب سێ دەنگان سزایێ زیندانکرنا رۆژنامەڤان و چالاکڤانێن بادینان پەسەندکر لێ هێشتا ئیمزا و چاپ لسەر نەهاتنە کرن.

و.ح